पत्रकार म्हणून करिअरची सुरुवात, आज राज्याच्या पहिल्या महिल्या मुख्य सचिव, कोण आहेत IAS राधा रतूडी?

वरिष्ठ प्रशासकीय अधिकारी राधा रतूडी या आपल्या 36 वर्षांच्या कार्यकाळात उत्तराखंड राज्यामध्ये अनेक महत्त्वाच्या पदांवर कार्यरत राहिल्या आहेत. त्यांनी डेहराडूनच्या जिल्हाधिकारी, राज्य मुख्य निर्वाचन अधिकारी व अपर मुख्य सचिव महिला सशक्तिकरण म्हणून अनेक महत्त्वाच्या पदांवर आपली सेवा बजावली आहे. याआधी 1973 च्या बॅचच्या आयपीएस अधिकारी कांचन चौधरी भट्टाचार्य 2004 मध्ये राज्याच्या पहिल्या महिला डीजीपी बनल्या होत्या.

उत्तराखंडच्या पहिल्या महिला मुख्य सचिव बनलेल्या वरिष्ठ आयएएस अधिकारी राधा रतुडी यांनी पत्रकारितेपासून आपले करिअर सुरू केले होते. 1985 मध्ये मुंबईतून मास कम्युनिकेशनमध्ये पोस्ट ग्रॅज्युएशन शिक्षण घेतले आणि यानंतर इंडियन एक्सप्रेस मुंबई आणि त्यानंतर इंडिया टुडे मासिकातही काम केले. यादरम्यान त्यांनी नागरी सेवांचीही तयारी सुरू केली.

राधा रतूडी यांची 1988 मध्ये निवड झाल्यावर प्रशिक्षणासाठी त्या हैदराबादला गेली, जिथे त्यांची भेट 1987 च्या बॅचचे आयपीएस अधिकारी अनिल रतूडी यांच्याशी झाली. या दोघांमधील मैत्रीचे रुपांतर प्रेमात झाले आणि अशा प्रकारे दोघांनी लग्न केले. अनिल रतूडी हे उत्तराखंड राज्यातील रहिवासी आहेत. अशाप्रकारे मध्य प्रदेशात जन्मलेल्या राधा रतूडी या उत्तराखंडच्या सून झाल्या. ही योगायोगाची गोष्ट आहे की, पती-पत्नी दोघांनीही उत्तराखंडमध्ये अनेक महत्त्वाच्या प्रशासकीय पदांवर आपापल्या भूमिका बजावल्या आहेत. त्यांचे पती आयपीएस अधिकारी अनिल रतूडी हे उत्तराखंड पोलीस महासंचालक पदावरून निवृत्त झाले आहेत.