Trending:

देशातली 'ही' विमान कंपनी करणार 15 टक्के कर्मचारी कपात, नोकरी गमावणाऱ्यांचा आकडा खूप मोठा

Published by:News18 Marathi
trending desk

Last Updated:February 12, 2024 11:25 PM IST

सध्या स्पाइसजेट 30 विमानं ऑपरेट करत आहे. यामध्ये आठ विमानं परदेशी कंपनीकडून भाडेतत्त्वावर घेण्यात आली आहेत. विमानातले क्र्यू मेंबर आणि पायलटसुद्धा याच कंपनीनं पुरवले आहेत.

इम्पॅक्ट शॉटतुमचा गेटवे लेटेस्ट न्यूज

मुंबई : बऱ्याच काळापासून जगभरातल्या नोकऱ्यांवर कर्मचारी कपातीची टांगती तलवार आहे. नोकरीवरची टांगती तलवार सध्या अनेक क्षेत्रांमध्ये अनुभवायला मिळत आहे. अनेक मोठ्या कंपन्यांनी हजारो कर्मचाऱ्यांच्या नोकरीवर गदा आणली आहे. कर्मचारी कपातीचं हे संकट आता भारतापर्यंतही पोहोचलं आहे. आर्थिक संकटांना सामोरी जाणारी, सामान्यांना परवडणारी स्पाइसजेट एअरलाइनसुद्धा आता कर्मचारी कपात करणार आहे. ही कंपनी आपल्या एकूण कर्मचाऱ्यांमधून जवळपास 15 टक्के कर्मचाऱ्यांची कपात करणार आहे.

सध्या स्पाइसजेटमध्ये 9,000 कर्मचारी आहेत. या संदर्भात अधिक माहिती देणाऱ्या जाणकारांच्या सांगण्यानुसार, कर्मचाऱ्यांच्या वेतनापोटी 60 कोटी रुपये खर्च होत असताना कर्मचारी कपात गरजेची होती. कंपनी सध्या प्रचंड मोठ्या आर्थिक संकटात सापडली आहे.

सध्या स्पाइसजेट 30 विमानं ऑपरेट करत आहे. यामध्ये आठ विमानं परदेशी कंपनीकडून भाडेतत्त्वावर घेण्यात आली आहेत. विमानातले क्र्यू मेंबर आणि पायलटसुद्धा याच कंपनीनं पुरवले आहेत. स्पाइसजेटने नोकरकपातीच्या वृत्ताला दुजोरा दिला आहे. या संदर्भात एअरलाइचे प्रवक्ते म्हणाले की, `कंपनीचा होणारा खर्च लक्षात घेऊनच तो कमी करण्यासाठी या निर्णयाची अंमलबजावणी करणं आवश्यक आहे.`

विनावेतन काम करताहेत कर्मचारी

ईटीच्या रिपोर्टनुसार, अन्य एका व्यक्तीनं नोकरकपातीच्या अनुषंगाने सांगितलं की, कर्मचाऱ्यांना आधीपासूनच याबाबतचे फोन येणं सुरू झालं होतं. काही महिन्यांपासून स्पाइसजेट आपल्या कर्मचाऱ्यांना वेळेवर वेतन देऊ शकत नाहीये. अनेक कर्मचाऱ्यांना आतापर्यंत जानेवारीचं वेतन मिळालं नाहीये. सुमारे 2,200 कोटी रुपयांचा निधी गोळा करण्याचे स्पाइसजेटचे प्रयत्न आहेत.

जाणकार सांगतात, की गुंतवणूकदारांनी कंपनीच्या योजनेमध्ये फारशी रुची दाखवलेली नाही. एअरलाइन्सचं म्हणणं असं आहे, की सगळा निधी वेळेवर मिळत आहे आणि आम्ही आम्हाला लागणारा निधी मिळविण्याबाबत योग्य मार्गाने प्रगती करत आहोत.

कधी काळी कंपनीकडे होती 118 विमानं

2019मध्ये कंपनी जेव्हा यशाच्या शिखरावर होती तेव्हा त्यांच्याकडे 118 विमानांचा ताफा होता आणि 16,000 कर्मचारी होते. त्यानंतर कंपनीला उतरती कळा लागली. बाजारात या कंपनीचा जवळचा प्रतिस्पर्धी अकासा एअर आहे. त्या कंपनीकडे 23 विमानांचा ताफा आणि 3,500 कर्मचारी आहेत. मागच्या आठवड्यात दिल्ली उच्च न्यायालयानं कंपनीचे माजी प्रवक्ते कलानिधी मारन आणि केएएल एअरवेजला सहा आठवड्यांच्या आत 50 कोटी रुपये भरायला सांगितले होते.

view comments

Location :

Mumbai,Maharashtra

First Published :

February 12, 2024 11:25 PM IST

देशातली 'ही' विमान कंपनी करणार 15 टक्के कर्मचारी कपात, नोकरी गमावणाऱ्यांचा आकडा खूप मोठा