हाण की बडीव! 2 तृतीयपंथींच्या गटात तुफान हाणामारी; पोलिसांच्याही अंगावर गेले धावून आणि मग...

सोमवारी दुपारी धार्मिक विधीच्या निमित्ताने तृतीयपंथीयांनी मानाच्या जागांची मिरवणूक काढली होती. पंचगंगा नदीच्या काठावरून निघालेल्या या मिरवणुकीत पुढे जाण्यावरून आणि 'जग उलटल्यावरून' त्यांच्यात वाद सुरू झाला. त्यावेळी लक्ष्मीपुरी पोलिसांनी हा वाद मिटवून मिरवणूक मागे घेतली होती. पण वादाची ठिणगी तिथेच विझली नाही. संध्याकाळी ओढ्यावरील यल्लमा मंदिरात मिरवणुकीचा समारोप झाल्यानंतर रात्री उशिरा पुन्हा एकदा दोन्ही गट मंदिराचा ताबा घेण्यावरून भिडले. हा वाद इतका वाढला की, दोन्ही गटांमध्ये जोरदार हाणामारी सुरू झाली.

या प्रकाराची माहिती मिळताच राजारामपुरी पोलीस तात्काळ घटनास्थळी दाखल झाले. त्यांनी दोन्ही गटांना समजावण्याचा प्रयत्न केला, पण काही आक्रमक तृतीयपंथीयांनी पोलिसांवरच धावून जाण्याचा प्रयत्न केला. त्यानंतर पोलिसांनी बळाचा वापर करत दोन्ही गटांना तिथून हाकलून लावले.