4 वर्षांचं अफेअर, सातत्याने शारीरिक संबंधही ठेवले, पण लग्नाची वेळ येताच..., तरुणीसोबत नेमकं काय घडलं?

एका तरुणाने तब्बल 4 वर्षे तरुणीसोबत प्रेमाचे नाटक केले आणि लग्नाचे आमिष देत राहिला. मात्र, लग्नाची वेळ येताच त्याने तरुणीला लग्नासाठी नकार दिला. शुभम निर्मलकर असे आरोपीचे नाव आहे. मानिकपूर पोलिसांनी त्याला अटक केली आहे.

मिळालेल्या माहितीनुसार, तरुणी आणि शुभम या दोघांमध्ये मैत्री होती. मैत्रीचे रुपांतर प्रेमात झाले आणि या दोघांनी एकमेकांशी लग्न करण्याचेही वचन दिले. मात्र, जेव्हा लग्नाची वेळ आली, तेव्हा शुभमने लग्नास नकार दिला आणि तरुणीला सोडून दिले. याप्रकरणी तरुणीने मानिकपूर पोलिसात धाव घेतली आणि घडलेला प्रकार सांगितला. तरुणीने सांगितले की, मागील 4 वर्षांपासून त्या तरुणाने तिची फसवणूक करत तिच्यासोबत प्रेमाचे नाटक केले. तसेच सातत्याने तिच्यासोबत शारीरिक संबंधही ठेवले.