तिला स्क्रिन समोरून हलता येईना, कपडेही काढायला लावले, तरुणीसोबत नेमकं काय घडलं?

ही तरुणी अहमदाबादच्या नारायणपुरा येथील अंकुर चार रोडच्या जवळ राहते. तिला डिजिटल अरेस्टची शिकार करण्यात आले. तिने 15 ऑक्टोबर रोजी एका अज्ञात नंबरवरुन कॉल रीसिव्ह केला. त्या कॉलमध्ये तिला सांगण्यात आल की, तिने थायलंडला पाठवलेले पार्सलमध्ये ड्रग्स आढळले आहेत. दुसऱ्यांदा कॉल केल्यावर तरुणीला धमकी देण्यात आली आणि वेगवेगळ्या एजन्सीची बनावट कागदपत्रे दाखवली गेली. तसेच तक्रारीच्या डिटेल्सची पीडीएफ फाईलही पाठवण्यात आली. त्यानंतर आरबीआयमध्ये पैसे जमा करण्याचे तिला सांगितले आणि तिच्या बँक खात्यातून एकूण 4 लाख 92 हजार रुपयांची चोरी केली. पडताळणीनंतर पैसे परत केले जातील, असे तिला सांगण्यात आले.

पोलिसांनी आरोपींकडून 2 लॅपटॉप, 17 मोबाईल, 11 चेकबुक आणि 8 डेबिट कार्ड जप्त केले आहेत. चीनी हँडलर्सनी टेलिग्रामवर वेगवेगळे चॅनेल तयार केले होते. यामध्ये सदस्यांचा समावेश होता. त्यांना लोभस जाहिराती देऊन जास्त कमिशन किंवा जास्त पगाराचे आश्वासन देऊन लोकांकडून बँक खात्याची माहिती घेतली जात होती, असे पोलीस तपासात असे समोर आले आहे. पोलीस याप्रकरणी पुढील तपास करत आहेत. अशी फसवणूक टाळण्यासाठी काळजी घ्यावी आणि कोणत्याही अनोळखी नंबरवरून येणाऱ्या कॉल्सकडे लक्ष देऊ नका, असे आवाहन पोलिसांनी केले आहे.