नसतं धाडस जीवावर बेतलं! रेल्वे रुळावर घातली गाडी, अडकला पाय अन् क्षणात होत्याचं नव्हतं झालं, वाचा सविस्तर

गणेश प्रभू कापसे (वय-35, रा. भायगव्हाण, ता घनसांगवी, ह.मु, लाहगाव, ता. संभाजीनगर) असे या मृत व्यक्तीचे नाव आहे. ही धक्कादायक घटना सोमवारी रात्री घडली. समोर आलेली माहिती अशी की, दोघेही पती-पत्नी शेंद्रा एमआयडीसीत एका खासगी कंपनीत काम करत होते.

गणेश कापसे दुपारी कामावरून घरी आले आणि त्यानंतर ते पत्नीला कंपनीतून घरी आणायला जात होते. संभाजीनगर-जालना महामार्गावर असणाऱ्या लाडगाव टोलनाक्याजवळून एमआयडीसीत जाण्यासाठी चुकीचा मार्ग निवडला. धाडस केले आणि रेल्वे रुळावर गाडी चढवली. पाऊस सुरू होता, त्यामुळे रुळावर त्यांची गाडी घसरली आणि पाय अडकला. त्याचवेळेस जालन्याहून संभाजीनगरच्या दिशेने जाणारी रेल्वे भरधाव वेगाने आली आणि गणेश कापसे यांचा रेल्वेखाली चिरडून मृत्यू झाला.