बस कंडक्टरचा प्रताप, प्रवाशांच्या पैशांसोबतच केलं मोठं कांड, वाचूनही तुम्हालाही बसेल धक्का

विशेष म्हणजे आणखी या प्रकरणात एक धक्कादायक माहिती अशी की, 10 दिवसांपर्यंत परिवहन विभागाने बस वाहकाची कोणताही चौकशी केली नाही. तसेच त्याच्याशी कोणताही संपर्क केला नाही. या प्रकरणाची चर्चा माध्यमात झाल्यानंतर विभागाने या बस वाहकाचा करार रद्द केला. दरम्यान, आता परिवहन विभागाकडून बसस्थानक अधीक्षकावर कारवाई केली जाणार असल्याची चर्चा आहे.

लखनऊच्या कैसरबाग बस डेपो याठिकाणी पंकज तिवारी नावाचा एक बस वाहक सेवेत होता. याआधी तो बाराबंकी बसस्थानक याठिकाणी तैनात होता. त्याठिकाणीही पंकज तिवारी हा सरकारी पैशांच्या बॅगेला उशिरा जमा करणे तसेच काही वेळा सरकारी पैशांचा दुरुपयोग करण्यासाठी बदनाम झाला होता. याच कारणामुळे त्याची याठिकाणी बदली करण्यात आली होती. तसेच त्याच्या व्यवहारामुळे त्याच्यावर लक्ष ठेवण्यात यावे, असेही विभागाच्या वतीने सुचवण्यात आले होते. मात्र, बस स्थानक प्रमुख एसके गुप्ता यांनी ही बाब गंभीरतेने घेतली नाही. त्यामुळेच पुन्हा अशी एक धक्कादायक घटना घडली.