रिल्समधून प्रसिद्ध पण बापासोबत करायचा भयंकर कृत्य, चिठ्ठीतून उलगडलं बापलेकाच्या मृत्यूचं गूढ

जळगाव: जळगाव जिल्ह्यातील एरंडोल तालुक्यात एक धक्कादायक घटना उघडकीस आली आहे. येथील एका व्यक्तीने आपल्या रीलस्टार मुलाची हत्या करून स्वत:च्या आयुष्याचा शेवट केला आहे. मुलाकडून होणाऱ्या छळाला कंटाळून त्यांनी हे टोकाचं पाऊल उचलल्याची माहिती समोर आली आहे. माजी सैनिक असलेले विठ्ठल पाटील यांचा गुरुवारी गळफास घेतलेल्या अवस्थेत मृतदेह आढळला होता. यावेळी पोलिसांना मयताच्या खिशात सुसाईड नोट सापडली होती. याच सुसाईड नोटमधून बापलेकाच्या मृत्यूचा खुलासा झाला आहे.