पैशांसाठी जावयाचा छळ! सासरच्या जाचाला कंटाळून धावत्या रेल्वेखाली घेतली उडी, तिघांविरुद्ध गुन्हा!

जळगाव : धरणगाव तालुक्यातील दोनगाव येथील 28 वर्षीय हेमंत अरुण पाटील या तरुणाने पत्नी आणि सासरच्या मंडळींकडून सातत्याने होणाऱ्या पैशांच्या मागणीला, घटस्फोटाच्या धमक्यांना आणि मानसिक त्रासाला कंटाळून धावत्या रेल्वेखाली जीवन संपवले आहे. या प्रकरणी मृत हेमंत पाटील यांच्या वडिलांनी दिलेल्या फिर्यादीवरून पत्नी गायत्री हेमंत पाटील, सासरे बाळू भीमराव बोरसे, आणि सासू रेखाबाई बाळू बोरसे (सर्व रा. मंगरूळ, ता. अमळनेर) या तिघांविरोधात धरणगाव पोलीस ठाण्यात गुन्हा दाखल करण्यात आला आहे.