श्रीमंत तरुणी आणि 8 वर्षांपेक्षा लहान प्रियकर, प्रेमात धोका मिळाला आणि घडलं भयंकर

गोव्यात एका बिल्डिंगच्या फ्लॅटमध्ये 30 वर्षांची महिला राहत होती. ती श्रीमंत कुटुंबातली असली आणि वयाने मोठी असली, तरी तिचं तिच्यापेक्षा 8 वर्षांनी लहान असलेल्या एका मेकॅनिकवर प्रेम जडलं. तिने निष्पाप मनाने प्रेम केलं; पण तिच्या नशिबी काही वेगळंच लिहिलेलं होतं.

30 ऑगस्ट रोजी त्या महिलेचे कुटुंबीय तिला सतत कॉल करत होते; मात्र ती फोन उचलतच नव्हती. साहजिकच ते चिंतित झाले. त्यामुळे त्यांनी गोव्यातल्या एका परिचित व्यक्तीला कॉल करून तिच्या घरी जायला सांगितलं. तो तिथे गेल्यावर बराच वेळ डोअरबेल वाजवूनही दरवाजा उघडला गेला नाही. म्हणून त्याने दरवाजाला धक्का मारला, तर दरवाजा लगेचच उघडला. कारण तो आतून बंदच नव्हता. तो माणूस आत गेला आणि त्याने त्या महिलेला हाका मारायला सुरुवात केली; पण त्याला काहीच प्रतिसाद मिळाला नाही. तेवढ्यात त्याला फरशीवर रक्ताचे डाग दिसले. अखेर त्याने तिच्या कुटुंबीयांना याबद्दल कळवलं.