नात्यापेक्षा सन्मान महत्त्वाचा! पती म्हणाला, 'वांझोटी', दिव्यांग व्यक्तीने दिलं प्रेम; विवाहित महिनेने घेतला धाडसी निर्णय 

नीलम सांगते की, तिचा पती दीपकचा स्वभाव रोज भांडण्याचा होता. तिच्या माहेरी आणि सासरी दोन्ही ठिकाणी त्याला समजावण्यात आले, पण नीलमला परत अशा आयुष्यात जायचे नव्हते जिथे तिच्या आत्मसन्मानाला ठेच पोहोचत होती. तिने पोलीस अधीक्षकांना लेखी तक्रार दिली आणि आपल्या सासरच्या मंडळीं विरोधात तक्रार केली. यानंतर तिच्या सासरच्या मंडळींनी दालमऊ पोलीस ठाण्यात तिच्या बेपत्ता झाल्याची तक्रारही दाखल केली.

पोलिसांनी नीलमला शोधून न्यायालयात हजर केले. तिथे तिने स्पष्ट शब्दांत सांगितले की, तिला आता आपल्या पतीसोबत राहायचे नाही. तिने न्यायालयात आपल्या 164 च्या जबाबातही तीच गोष्ट पुन्हा सांगितली. आता नीलम आपल्या दिव्यांग प्रियकरासोबत स्वेच्छेने राहत आहे. नीलमची आई केश कुमारी यांनी लोकल 18 ला सांगितले की, नीलमची भेट रायबरेलीला उपचारासाठी येत असताना वीरेंद्रशी झाली आणि दोघेही एकमेकांच्या प्रेमात पडले. आता ती त्याच्यासोबतच राहण्यावर ठाम आहे. नीलम स्पष्टपणे म्हणते की, "जो माझा आदर करतो, माझी काळजी घेतो, त्याच्यासोबतच मला राहायचे आहे."