भूकेने तडफडत होती शाहरुख खानची आजी, पोटचा पोरगा गेला सोडून, अखेर झाला दुर्दैवी अंत!

आज अनेक प्रेक्षक त्यांना 'दिलवाले दुल्हनिया ले जायेंगे' मधील काजोलची आजी किंवा 'कभी खुशी कभी गम'मधील शाहरुखची आजी म्हणून ओळखतात. पण अचला सचदेव यांची कारकीर्द ही केवळ वृद्ध पात्रांपुरती मर्यादित नव्हती. एकेकाळी त्या हिंदी चित्रपटसृष्टीतील सुपरस्टार होत्या. 'वक्त', 'मंजिल', 'बंधन', 'प्रेम पुजारी' यांसारख्या अनेक चित्रपटांत त्यांच्या अभिनयाचं प्रचंड कौतुक झालं होतं.

पण या तेजस्वी कारकिर्दीनंतर, अचलाजींचं खऱ्या आयुष्यातलं पडद्यामागचं जीवन फारच त्रासदायक ठरलं. पतीच्या निधनानंतर त्यांची मानसिक व शारीरिक अवस्था दिवसेंदिवस ढासळत गेली. घरात मुलं असूनही कोणतीही साथ न मिळाल्यामुळे त्या पूर्णपणे एकट्या पडल्या. एका नोकराच्या आधारावर त्या म्हातारपण जगत होत्या. जेव्हा त्यांची तब्येत अधिक बिघडली तेव्हा त्यांना हॉस्पिटलमध्ये दाखल करण्यात आलं. पण धक्कादायक बाब म्हणजे, त्यांचा स्वतःचा मुलगा त्यांना तिथं एकटं टाकून निघून गेला.

एकेकाळी ज्यांनी सुपरस्टार्ससोबत काम केलं, ज्या स्वतः सुपरस्टार होत्या, त्याच अचला सचदेव यांचं असं एकाकी, उपेक्षित आयुष्य खरंच मन हेलावून टाकणारं होतं. अखेर वयाच्या ९१ व्या वर्षी त्यांनी या जगाचा निरोप घेतला. आज त्या आपल्यात नाहीत, पण त्यांच्या अभिनयाच्या आठवणी आणि आयुष्याची खंत मनात घर करून राहते.