नटुन थटून नाट्य संमेलनाला आले, पण पत्ता सापडेना, चालले परत मुंबईला; अभिनेत्री संतापली

पुणे : अखिल भारतीय मराठी नाट्य परिषदेतर्फे होणाऱ्या बहुचर्चित आणि बहुप्रतीक्षित शतक महोत्सवी नाट्य संमेलनाला सुरुवात झाली आहे. पुण्यातील पिंपरी चिंचवड मध्ये होत असलेल्या या संमेलनाला मराठी नाट्यसृष्टीतील अनेक कलाकार मंडळी हजेरी लावत असून येथे अनेक सांस्कृतिक कार्यक्रम पार पडत आहेत. परंतु पुण्यात अतिशय भव्यदिव्य असे नाट्य संमेलन होत असताना नाट्य संमेलन ठिकाणाचा पत्ताच सापडत नसल्याची तक्रार जेष्ठ अभिनेत्री वंदना गुप्ते यांनी सोशल मीडियावर व्हिडीओ शेअर करून केली आहे.