'लगा था काट खाएंगे...'; अक्षय खन्नाबद्दल हे काय बोलून गेली कतरिना कैफ, पाहा VIDEO

Akshaye Khanna : बॉलिवूड अभिनेता अक्षय खन्नाचा 'धुरंधर' (Dhurandhar) हा चित्रपट सध्या बॉक्स ऑफिसवर धुमाकूळ घालत आहे. रिलीजच्या आठ दिवसांतच या चित्रपटाने जवळपास 250 कोटींची कमाई केली आहे. आदित्य धर दिग्दर्शित 'धुरंधर' या चित्रपटात रणवीर सिंह, आर. माधवन, संजय दत्त, अक्षय खन्ना, अर्जुन रामपाल आणि सारा अर्जुन हे कलाकार महत्त्वाच्या भूमिकेत आहेत. सर्वच कलाकारांनी आपली भूमिका चोख निभावली आहे. पण अक्षय खन्नाचं कामाचं जगभरात कौतुक होत आहे. 'धुरंधर'मधील अक्षय खन्नाचा दमदार अभिनय प्रेक्षकांच्या पसंतीस उतरत आहे. दरम्यान अक्षय खन्नाचे अनेक जुने व्हिडीओ सोशल मीडियावर व्हायरल होत आहेत. अक्षयच्या जुन्या मुलाखतीपासून ते 'तीस मार खान' या चित्रपटातील सीनपर्यंत अक्षयचे अनेक व्हिडीओ व्हायरल होत आहेत. अशातच 'रेस'च्या प्रमोशनदरम्यानचा अक्षय खन्नाचा एक व्हिडीओ मात्र सर्वांचं लक्ष वेधून घेत आहे. या व्हिडीओमध्ये अक्षय खन्नासोबत कतरिना कैफदेखील दिसत आहे.