जबरदस्त मसल्स, 6 पॅक ॲब्स, 60मध्येही भाईजानचा जलवा! सलमान खानच्या फोटोंनी वाढवलं इंटरनेटचं टेम्प्रेचर

सलमान खानने आज त्याच्या इन्स्टाग्राम अकाउंटवर दोन जबरदस्त फोटो शेअर केले आहेत. या फोटोंमध्ये त्याचे दमदार मसल आणि सिक्स पॅक ॲब्स दिसत आहेत. पहिल्या फोटोत सलमान आरशात स्वतःला पाहताना दिसत आहे आणि त्याच्या चेहऱ्यावर घाम आहे. दुसऱ्या फोटोत सलमान त्याचे ॲब्स दाखवत आहे. विशेष म्हणजे, या दोन्ही फोटोंमध्ये त्याच्या गळ्यात नेहमीची चैन दिसत आहे, पण तो नेहमी घालतो ते आवडीचे ब्रेसलेट मात्र त्याच्या हातात दिसत नाहीये.

याच फोटोंसोबत सलमानने एक अत्यंत मजेदार आणि खास कॅप्शन दिले आहे, ज्यातून त्याने फिटनेसचे रहस्य उघड केले. त्याने लिहिले आहे, "कुछ हासिल करने के लिए कुछ छोड़ना पड़ता है... ये बिना छोड़े है." या कॅप्शनमधून सलमानने जास्त त्याग न करताही त्याने जबरदस्त बॉडी बनवल्याचे स्पष्ट संकेत दिले आहेत.

६० च्या उंबरठ्यावर असलेल्या सलमानची ही लेटेस्ट बॉडी 'बॅटल ऑफ गलवान' या चित्रपटाच्या तयारीचा भाग आहे. नुकतंच त्याने अपूर्वा लाखिया दिग्दर्शित या चित्रपटाचे लडाखमधील शेड्यूल पूर्ण केले आहे आणि सध्या तो मुंबईत शूटिंगमध्ये व्यस्त आहे. या चित्रपटात सलमान शहीद कर्नल बी. संतोष बाबू यांची भूमिका साकारणार आहे. हा चित्रपट २०२० मध्ये गलवान खोऱ्यात भारत आणि चीनच्या सैनिकांमध्ये झालेल्या हिंसक संघर्षावर आधारित असणार आहे. यामध्ये सलमान खानसोबत अभिनेत्री चित्रांगदा सिंह देखील दिसणार आहे.

सलमानच्या या दमदार फोटोंवर चाहत्यांनी प्रेमाचा वर्षाव केला आहे. एका चाहत्याने लिहिले, "सलमान भाई पुन्हा एकदा सिद्ध करत आहे की तो फिटनेसचे ट्रेंडसेटर का आहे." तर दुसऱ्याने लिहिले, "भाईच्या जलव्याने हेटर्स जळून राख झाले आहेत."