2450 कोटींच्या चित्रपटाचा 2 मिनिट 35 सेकंदाचा ट्रेलर रिलीज! फक्त पाच दिवसांत रचणार इतिहास

Baahubali: The Epic Trailer Out : ‘बाहुबली: द एपिक’ हा बहुप्रतीक्षित चित्रपट आता रुपेरी पडद्यावर धमाका करणार आहे. या चित्रपटात ‘बाहुबली 1’ आणि ‘बाहुबली 2’ हे दोन्ही भाग एकत्र करण्यात आले आहेत. चित्रपटाचा ट्रेलर नुकताच रिलीज झाला असून आतापर्यंत 1 मिलियनहून अधिक लोकांनी तो पाहिला आहे. ट्रेलरमध्ये चित्रपटाचे भव्य सेट, युद्धदृश्ये आणि जबरदस्त कथानकाची झलक स्पष्टपणे दिसते. 2 मिनिटे 35 सेकंदांचा हा ट्रेलर पाहिल्यानंतर प्रेक्षकांची उत्सुकता दुपटीने वाढली आहे. या चित्रपटाची कथा प्रेम, संघर्ष आणि राज्यसत्तेभोवती फिरते. या चित्रपटाच्या दोन्ही भागांनी बॉक्स ऑफिसवर इतिहास रचला होता. दोन्ही चित्रपटांनी कमाईचे सर्व विक्रम मोडीत काढले. ‘बाहुबली 1’ हा चित्रपट 2015 मध्ये प्रदर्शित झाला होता आणि बॉक्स ऑफिसवर या चित्रपटाने जबरदस्त यश मिळवले. या चित्रपटाने सुमारे 600-650 कोटी रुपयांची कमाई केली होती. त्यातील व्हिज्युअल इफेक्ट्स, कथा आणि कलाकारांच्या अभिनयाचे प्रेक्षकांनी भरभरून कौतुक केले. ‘बाहुबली 1’ ने भारतीय सिनेमात एपिक शैलीतील चित्रपटांसाठी एक नवा टप्पा निर्माण केला. या चित्रपटातील गाणी आणि युद्धदृश्ये आजही लोकांच्या मनात कोरली गेली आहेत.