Bigg Boss 19 च्या घरात पुन्हा डबल एविक्शन, फिनालेच्या 15 दिवसांपूर्वीच या दोन स्पर्धकांचा प्रवास संपला

Bigg Boss 19 : 'बिग बॉस 19' या छोट्या पडद्यावरील लोकप्रिय कार्यक्रमाचा हा आठवडा खूपच खास ठरला आहे. 'फॅमिली वीक'मुळे स्पर्धकांच्या कुटुंबियांची घरात एन्ट्री झाली. त्यामुळे घरातलं वातावरण थोडं इमोशनल, थोडं मजेशीर होतं. आता या आठवड्याचा शेवट आला असून 'वीकेंड का वार'ची प्रेक्षकांना उत्सुकता आहे. 'वीकेंड का वार'ची गेल्या आठवड्यात सलमान खानच्या अनुपस्थित रोहित शेट्टीने जबाबदारी स्वीकारली. पण आता बॉलिवूडचा भाईजान सलमान खान पुन्हा एकदा 'वीकेंड का वार'मध्ये घरातील मंडळींना रिअॅलिटी चेक देताना दिसणार आहे. दुसरीकडे या आठवड्यात कोणत्या स्पर्धकाचा प्रवास संपणार हे जाणून घेण्याचीदेखील प्रेक्षकांना उत्सुकता आहे. फिनालेला दोन आठवडे बाकी असताना एक नव्हे तर दोन स्पर्धकांचा प्रवास संपला आहे.