युजवेंद्रला धोका देत 'या' मराठी कोरियोग्राफरला डेट करतेय धनश्री? फोटो समोर येताच डान्सरने खरं काय ते सांगितलं

प्रतिक आणि धनश्रीचा एक फोटो सोशल मीडियावर व्हायरल होत आहे, ज्यामध्ये दोघे एकमेकांना मिठी मारताना दिसत होते. या फोटोने नेटिझन्सला धक्का दिला आणि अनेकांना प्रश्न पडू लागला की धनश्री आणि प्रतिक डेटिंग करत आहेत का?

दरम्यान, प्रतिकने अलीकडेच त्याच्या इन्स्टाग्राम स्टोरीजवर या अफवांवर नाराजी व्यक्त केली आणि या अफवांमध्ये तथ्य नसल्याचे सांगितले. केवळ एका व्हायरल फोटोच्या आधारे कोणत्याही प्रकारची चर्चा न करण्याचे आवाहन त्याने या पोस्टद्वारे केले आहे.

कोरिओग्राफर प्रतिकची एक पोस्ट सध्या व्हायरल होत आहे. या पोस्टमध्ये त्याने लिहिले की, 'हे जग खूप रिकामे आहे गोष्टी तयार करण्यासाठी आणि फक्त एक चित्र पाहून त्यावर कमेंट आणि DM करण्यासाठी... मित्रांनो मोठे व्हा.'

हा फोटो समोर येताच त्याने लोकांचे लक्ष वेधून घेतले कारण धनश्री क्रिकेटर-पती युजवेंद्र चहलपासून वेगळी झाल्याच्या अफवा बऱ्याच दिवसांपासून पसरत आहेत. दोघांनी इन्स्टाग्रामवर एकमेकांना अनफॉलो केल्याचे चाहत्यांच्या लक्षात आल्यावर त्यांच्या घटस्फोटाच्या अफवा चर्चेत आल्या. युझवेंद्रने धनश्रीसोबतची सर्व फोटोही त्याच्या अकाऊंटमधून काढून टाकले आहेत, तर धनश्रीच्या अकाऊंटवर अजूनही काही फोटो आहेत.

2022 मध्ये देखील धनश्रीने तिच्या इंस्टाग्राम हँडलवरून 'चहल' हे आडनाव काढून टाकले होते, ज्यामुळे लोकांना त्यांच्या नात्यातील अडचणींचा अंदाज आला होता. त्याच वेळी, चहलने त्याच्या इन्स्टाग्राम स्टोरीवर एक रहस्यमय फोटो पोस्ट केला होता, ज्यानंतर चाहते वेगवेगळे अंदाज लावू लागले. या फोटोमध्ये 'नवीन जीवन लोड होत आहे' असे लिहिले होते. या पोस्टची वेळ आणि धनश्रीने तिचे आडनाव काढून टाकण्याच्या निर्णयाने नेटिझन्सला आश्चर्यचकित केले होते.