नताशाला डिवोर्स, जास्मिनसोबत ब्रेकअप, हार्दिक पांड्या आता तिसऱ्यांदा प्रेमात! कोण आहे माहिका शर्मा?

एका रेडिट थ्रेडने माहिकाच्या एका सेल्फीमध्ये हार्दिकची झलक दिसत असल्याचा दावा केला आणि या चर्चांना सुरूवात झाली.  इतकंच नाही तर माहिकाच्या एका पोस्टमध्ये हार्दिकशी संबंधित जर्सी नंबर 33 चा उल्लेख होता. दोघेही इंस्टाग्रामवर एकमेकांना फॉलो करत होते आणि माहिका हार्दिकच्या पोस्टला लाईक करत असल्याने या अफवांना आणखी वाढल्या.  आतापर्यंत हार्दिक किंवा माहिका दोघांनीही त्यांच्या नात्याबद्दल कोणतेही अधिकृत विधान केलेले नाही.

( Actress Fitness : 2 मुलांची आई, चाळीशीतही तरुणींना लाजवणारा फिटनेस; 'असा' आहे जेनेलिया देशमुखचा डाएट प्लॅन )

माहिका शर्मा ही एक मॉडेल आणि अभिनेत्री आहे.  अर्थशास्त्र आणि वित्त या विषयात पदवी मिळवल्यानंतर मॉडेलिंग आणि अभिनयाला आपले करिअर म्हणून निवडले. तिने तनिष्क, विवो आणि युनिक्लो सारख्या मोठ्या ब्रँडसाठी अनेक संगीत व्हिडिओ, स्वतंत्र चित्रपट आणि एॅड कॅम्पेनिंगसाठी काम केले आहे. माहिकाने मनीष मल्होत्रा, अनिता डोंगरे आणि तरुण ताहिलियानी सारख्या शीर्ष भारतीय डिझायनर्ससाठी रॅम्प वॉक केले आहे. 2024 मध्ये तिला इंडियन फॅशन अवॉर्ड्समध्ये 'मॉडेल ऑफ द इयर (न्यू एज)' पुरस्काराने सन्मानित करण्यात आले.

माहिका तिच्या व्यावसायिकतेसाठी देखील ओळखली जाते. 2024 मध्ये एका मोठ्या फॅशन शोपूर्वी, तिला डोळ्याचा गंभीर संसर्ग झाला, जो डॉक्टरांनी मेकअपची ऍलर्जी असल्याचे सांगितले. तरीही, माहिकाने शोमधून मागे हटण्याऐवजी रॅम्प वॉक करण्याचा निर्णय घेतला आणि तिच्या कामगिरीने सर्वांचे मन जिंकले.

दुसऱ्या शोमध्ये गौरव गुप्ताच्या रॅम्पवर तिची हिल्स मोडली, परंतु तिने हिंमत गमावली नाही आणि वॉक पूर्ण केला. एले मासिकाला दिलेल्या मुलाखतीत माहिका म्हणाली होती की, 'गौरव गुप्ता शोच्या रिहर्सल दरम्यान माझा डोळा खूप दुखत होता. तो लाल आणि सुजलेला होता. रॅम्प नवीन डिझाइनचा होता लांब पायऱ्या होत्या आणि दुसऱ्या पायरीवर माझी हिल्स तुटली. पण त्या वॉकसाठी मिळालेल्या प्रेमामुळे मला पुन्हा ऊर्जा मिळाली.

हार्दिक पांड्याचे आधी नताशा स्टॅन्कोविकशी लग्न झाले होते. दोघांनी मे 2020 मध्ये लग्न केले आणि फेब्रुवारी 2023 मध्ये हिंदू आणि ख्रिश्चन पद्धतीने लग्न केले. जुलै 2024  मध्ये दोघेही परस्पर संमतीने वेगळे झाले. हे लग्न अवघ्या चार वर्षांत तुटले. नताशापासून घटस्फोट घेतल्यानंतर मॉडेल जास्मिन वालियासोबतच्या त्याच्या अफेअरच्या बातम्या आल्या. सामन्यादरम्यान जास्मिनलाही अनेक वेळा पाहिले गेले होते. परंतु अलीकडेच दोघांचे ब्रेकअप झाल्याच्या बातम्या आल्या होत्या.

आता सोशल मीडियावर हार्दिक आणि माहिकाच्या अफवांना वेग आला आहे. एका रेडिट युजरने लिहिले की, 'मी महिकाला फॉलो करतो आणि तिला हार्दिकशी संबंधित अनेक रील्स लाईक झाले आहेत. कदाचित ते फक्त मित्र असतील.' त्याच वेळी, काही युजर्स 'नवीन स्पर्धा, नवीन मैत्रीण' अशा कमेंट्स देऊन हार्दिकला ट्रोल करत आहेत.