हृदय उजवीकडे अन् जन्मापासून दुर्मीळ आजार, अभिनयानं जिंकली मनं, दिग्गज अभिनेत्रीचं दुर्मीळ आजारानं निधन

ज्या हृदयाने कोट्यवधी प्रेक्षकांना प्रेम दिलं, ते हृदय जन्मापासूनच शरीराच्या विरुद्ध दिशेला होतं. एक असा दुर्मिळ आजार ज्याने त्यांना आयुष्यभर साथ दिली, पण त्यांनी कधीच आपली जिद्द सोडली नाही. वयाच्या ७१ व्या वर्षी, जेव्हा त्या अजूनही नवीन स्वप्नं रंगवत होत्या, तेव्हाच काळाने त्यांच्यावर झडप घातली. आज त्यांचं घर आणि हॉलिवूडचं अंगण पोरकं झालंय. त्यांच्या जाण्यानं सिनेसृष्टीतील वेगळी पोकळी निर्माण झाली आहे जी कधीही भरून निघणार नाही.

होम अलोन या लोकप्रिय चित्रपटात केविनच्या आईची भूमिका साकारून घराघरात पोहोचलेल्या प्रसिद्ध अभिनेत्री आणि कॉमेडियन कॅथरीन ओ’हारा (Catherine O'Hara) यांचे ३० जानेवारी रोजी निधन झाले. ७१ व्या वर्षी लॉस एंजेलिस येथील राहत्या घरी त्यांनी जगाचा निरोप घेतला. 'शिट्स क्रीक' (Schitt's Creek) सारख्या मालिकेतून आपली वेगळी ओळख निर्माण करणाऱ्या कॅथरीन यांच्या जाण्याने मनोरंजन विश्वात मोठी पोकळी निर्माण झाली आहे.