'शेवटच्या चार-पाच वर्षांत...', अतुल परचुरे यांच्या निधनानंतर पहिल्यांदाच व्यक्त झाल्या सोनिया, पतीच्या आठवणीत अश्रू अनावर

मुंबई : आपल्या अफलातून अभिनयाने आणि विनोदी टायमिंगने प्रेक्षकांच्या मनात घर करणारे हरहुन्नरी अभिनेते अतुल परचुरे आज आपल्यात नाहीत, यावर अजूनही अनेकांचा विश्वास बसत नाही. त्यांच्या निधनाला एक वर्ष पूर्ण झाले आहे. नुकताच मराठी कलाकारांनी अतुल परचुरे यांच्या स्मृतीदिनानिमित्त त्यांच्या आठवणींना उजाळा देण्याचा एक खास कार्यक्रम आयोजित केला होता. या भावपूर्ण सोहळ्यात अतुल परचुरे यांच्या पत्नी सोनिया परचुरे यांनी पहिल्यांदाच सार्वजनिक मंचावरून आपल्या भावना व्यक्त केल्या. अतुल यांच्या आठवणी सांगताना त्यांना मंचावर अश्रू अनावर झाले.