Weight Loss: चिया सीड्स की भोपळ्याच्या बिया; वजन कमी करण्यासाठी सर्वोत्तम पर्याय कोणता?

आजकाल प्रत्येक माणूस जास्त वजनाच्या समस्येने त्रस्त आहे. लहान मुलांपासून ते मोठ्यांपर्यंत लठ्ठपणा पसरत आहे. याचे थेट कारण म्हणजे अयोग्य खाण्याच्या सवयी आणि बिघडलेली जीवनशैली. लोक वजन कमी करण्यासाठी अनेक उपाय करून पाहतात.

जर तुम्ही हेल्दी डाएट फॉलो करत असाल, तर तुम्ही भोपळ्याच्या बिया आणि चिया सीड्स यांचाही आहारात समावेश करायला हवा. या दोन्हीत पोषक तत्वे भरपूर आहेत. पण या दोनपैकी वजन कमी करण्यासाठी सर्वात जास्त मदत कोण करते, हे तुम्हाला माहीत आहे का?

भोपळ्याच्या बिया पोषक तत्वांचे पॉवर हाऊस मानले जातात. यामध्ये प्रोटीन, फायबर, व्हिटॅमिन, झिंक आणि लोह यांसारखे आवश्यक घटक असतात, जे शरीर निरोगी ठेवण्यास मदत करतात. फायबरमुळे पोट जास्त वेळ भरल्यासारखे वाटते आणि भूक नियंत्रित होते.

चिया सीड्समध्ये आवश्यक पोषक तत्वांचा साठा असतो. यामध्ये फायबर, ओमेगा-३ फॅटी ॲसिड, प्रोटीन, अँटिऑक्सिडंट्स, कॅल्शियम, मॅग्नेशियम आणि फॉस्फरस सारखी आवश्यक पोषक तत्वे असतात. ओमेगा-३ फॅटी ॲसिड आणि फायबरमुळे हे सीड्स वजन कमी करण्यासोबतच हृदयासाठीही चांगले मानले जातात.

चिया आणि भोपळ्याच्या बिया या दोन्हीमध्ये प्रोटीन आणि फायबरचे प्रमाण अधिक असते. त्यामुळे, वजन कमी करण्यासाठी हे दोन्ही सीड्स मदतगार मानले जातात. तुम्ही यापैकी कोणत्याही एकाचा किंवा दोन्हीचा तुमच्या आहारात समावेश करू शकता. फायबरमुळे तुम्हाला जास्त वेळ पोट भरल्यासारखे वाटते आणि तुम्ही जास्त खाणे टाळता. प्रोटीनमुळे चयापचय सुधारते आणि शरीराला ऊर्जा मिळते.

भोपळ्याच्या बिया तुम्ही या भाजून किंवा चावून खाऊ शकता. हे तुमच्या सवडीनुसार अवलंबून आहे. चिया सीड्स हे रात्रभर पाण्यात भिजवून सकाळी लिंबाच्या रसासोबत पिऊ शकता. तुम्ही हे सीड्स स्मूदीमध्ये टाकून किंवा ओटमीलमध्ये मिसळूनही खाऊ शकता.