डोक्यावर पातेलं ठेऊन बनवला चहा, मलायकाचं टॅलेंट पाहून जजही बेशुद्ध, पाहा VIDEO

Malaika Arora : बॉलिवूड अभिनेत्री मलायका अरोरा काही दिवसांपूर्वी यो यो हनी सिंहच्या 'चिलगम' या गाण्यामुळे चांगलीच चर्चेत होती. तर काहींनी तिला नृत्यामुळे चांगलच ट्रोल केलं. मलायका आता 'इंडियाज गॉट टॅलेंट'मुळे चर्चेत आहे. या लोकप्रिय कार्यक्रमाचं अभिनेत्री परीक्षण करत आहे. तिच्यासोबत नवजोत सिंह सिद्धूदेखील परीक्षक म्हणून आहे. नुकत्याच पार पडलेल्या एपिसोडमध्ये मलायकाने चक्क एका स्पर्धकाच्या डोक्यावर ठेववेल्या गॅसवर चहा बनवला. त्यानंतर तिने हा चहा सिद्धूसह उपस्थित काहींना प्यायला दिला. मलायका आणि त्या स्पर्धकाच्या धाडसाने सर्वांनाच हैरान केलं आहे. 'इंडियाज गॉट टॅलेंट'च्या आगामी एपिसोडमध्ये मलायका आपल्या कृत्याने चाहत्यांना आश्चर्यचकित करताना दिसणार आहे. नुकताच या कार्यक्रमाचा प्रोमो आऊट झाला असून सर्वांचं लक्ष वेधून घेत आहे.