Weather alert: आजवर जे झालं नाही ते आता घडलं! नोव्हेंबरमध्येच जळगावला हुडहुडी, थंडीच्या तीव्र लाटेचा अलर्ट

आज नोंदवलेल्या ७.१ अंश सेल्सिअस तापमानामुळे २००२ मध्ये नोंदवलेला ७.४ अंश सेल्सिअसच्या किमान तापमानाचा जुना विक्रम मोडीत निघाला आहे. गेल्या दोन आठवड्यांपासून तापमान सातत्याने खाली जात असल्यामुळे जिल्ह्याचे वातावरण पूर्णपणे गारठून गेले आहे.

सध्या जिल्ह्यात सुरू असलेली ही तीव्र थंडीची लाट पुढील तीन ते चार दिवस कायम राहणार असल्याचे हवामान विभागाने स्पष्ट केले आहे. नोव्हेंबर महिन्यातच इतकी थंडी पडत असल्याने, डिसेंबर आणि जानेवारी महिन्यात थंडीचा जोर आणखी वाढण्याची शक्यता हवामान विभागाने वर्तवली आहे. त्यामुळे नागरिकांना थंडीपासून बचाव करण्यासाठी योग्य ती काळजी घेण्याचे आवाहन प्रशासनाने केले आहे.