आता होणार कोर्ट रुम ड्रामा, अक्षय-अरशदच्या भांडणात अडकला जज, Jolly LLB 3 चा मजेदार ट्रेलर

'जॉली एलएलबी 3' या चित्रपटात दोन्ही जॉली आमने-सामने येणार आहे. जॉली नंबर 1 म्हणजेच अरशद वारसी शेतकऱ्यांसाठी लढताना दिसून येईल. तर दुसरा जॉली म्हणजेच अक्षय कुमार पैशांच्या लालचेपोटी एका श्रीमंत माणसाचा आवाज बनलेला दिसून येईल. 'जॉली एलएलबी 3' या चित्रपटात एक मोठा ट्विस्ट असणार आहे. ट्रेलरमध्ये याची झलक पाहायला मिळत आहे. दोन्ही जॉलींची न्यायालयात एकाचवेळी बाजू ऐकणं ही न्यायाधीश त्रिपाठी म्हणजेच सौरभ शुक्ला यांची कसोटी असणार आहे.

'जॉली एलएलबी'च्या याआधी प्रदर्शित झालेल्या दोन्ही चित्रपटांनी बॉक्स ऑफिसवर चांगलाच धमाका केला होता. त्यामुळे आता तिसऱ्या भागाकडूनही प्रेक्षकांच्या अपेक्षा उंचावल्या आहेत. 'जॉली एलएलबी 3' हा चित्रपट येत्या 19 सप्टेंबरला प्रेक्षकांच्या भेटीला येणार आहे. या चित्रपटात अक्षय कुमार, अरशद वारसी आणि सौरभ शुक्लासह अमृता राव, हुमा कुरैशी, सीमा बिस्वास, गजराज राव आणि राम कपूरसारखे कलाकार झळकणार आहेत.