हिंदीत डब झाली मराठी फिल्म, 20 वर्षांनी बनला सिक्वेल; लक्ष्मीकांत बेर्डेंचा हा हॉरर सिनेमा कोणीच विसरू शकत नाही

मुंबई, 24 ऑक्टोबर : मराठी इंडस्ट्रीला लाभलेला अभिनयाचा हिरा म्हणजे अभिनेते लक्ष्मीकांत बेर्डे. आपल्या अभिनयानं त्यांनी प्रेक्षकांची मनं जिंकली. लक्ष्मीकांत बेर्डे यांचा 26 ऑक्टोबर रोजी वाढदिवस आहे. आज ते या जगात नसले तरी त्यांचं काम आजही आपलं मनोरंजन करत असतं. मराठीच नाही तर हिंदी सिनेसृष्टीतही लक्ष्मीकांत बेर्डे यांनी आपल्या अभिनयाची छाप उमटवली. त्यांनी केलेला एक हॉरर सिनेमा मराठी सिनेसृष्टीत गाजलाच त्याचप्रमाणे तो हिंदीतही डब करण्यात आला. त्याच सिनेमाचा 20 वर्षांनी मराठीमध्ये सिक्वेल तयार करण्यात आला. आता त्या सिनेमाच्या तिसऱ्या पार्टची तयारी सुरी झाली आहे. लक्ष्मीकांत यांच्या जयंती निमित्तानं त्यांच्या सिनेमाचा हा किस्सा पाहूयात.