'मेड इन इंडिया' फेम अलीशा चिनॉय सध्या कुठे आहे? 12 वर्षांपासून लाइमलाइटपासून दूर

Made in India Alisha Chinai : 90 च्या दशकात आलेलं 'मेड इन इंडिया' हे गाणं तुम्हाला नक्कीच आठवत असेल. हे गाणं आजही सोशल मीडियावर अधूनमधून व्हायरल होत असतं. इंडियन पॉप सिंगर अलीशा चिनॉय यांनी हे गाणं गायलं आहे. इतकंच नाही तर त्या या सुपरहिट म्युझिक व्हिडिओमध्येही झळकल्या होत्या आणि आपल्या आवाजासोबतच सौंदर्यानेही प्रेक्षकांना मंत्रमुग्ध केलं होतं. हे गाणं 90 च्या दशकात जबरदस्त लोकप्रिय झालं होतं आणि टीव्ही, सीडी, कॅसेट, रेडिओ सगळीकडे फक्त याच गाण्याचा बोलबाला होता. आपल्या आवाजाने लाखो हृदयं जिंकणाऱ्या अलीशा चिनॉय गेल्या अनेक वर्षांपासून लाइमलाइटपासून दूर आहेत आणि आता त्या खूप बदलल्या आहेत. काही दिवसांपूर्वी त्यांचा एक व्हिडिओ व्हायरल झाला होता. ज्यामध्ये त्यांना ओळखणंही कठीण होतं.