Khalid ka Shivaji : मराठी सिनेमामुळे राजकारण तापलं, 'खालिद का शिवाजी' रिलीजविषयी मोठी अपडेट

'खालिद का शिवाजी' या चित्रपटावर छत्रपती शिवाजी महाराज आणि त्यांच्या इतिहासासंदर्भात चुकीची माहिती दिल्याचा आरोप आहे. ट्रेलरमधील दृश्यामुळे वातावरण तापलं आहे. त्यात शिवरायांच्या सैन्यात 35 टक्के मुसलमान सैनिक होते आणि रायगडावर मशीद बांधली होती, असा उल्लेख आहे. काही हिंदुत्ववादी संघटनांनी या दाव्यांवर कडाडून आक्षेप घेतला आणि राज्य सरकारकडे थेट मागणी केली “हा चित्रपट थांबवा!”

‘खालिद का शिवाजी’मध्ये खालिद नावाच्या मुस्लिम तरुणाच्या बालपणापासून ते त्याच्या आयुष्यातील एका अनोख्या प्रवासापर्यंतची गोष्ट आहे. छत्रपती शिवाजी महाराजांविषयी त्याला असलेली ओढ, त्यांचा इतिहास शोधण्याची त्याची धडपड हीच या सिनेमाची मध्यवर्ती गोष्ट आहे.