2 तास 44 मिनिटांचा सस्पेन्स-थ्रिलर, 'हा' चित्रपट पाहिला नाही तर काय पाहिलं? त्याच्यापुढे 'कांतारा'चं रहस्यही पडलंय फिकं

'वडा चेन्नई' (Vada Chennai) असं या चित्रपटाचं नाव आहे. 17 ऑक्टोबर 2018 रोजी प्रदर्शित झालेल्या या चित्रपटात सुपरस्टार धनुष आणि ऐश्वर्या राजेश हे कलाकार झळकले होते. या चित्रपटाला 7 वर्षं लोटून गेली असली तरी त्याची चर्चा आजही कायम आहे. धनुष हा अभिनेता आपल्या दमदार अभिनयासाठी ओळखला जातो आणि या चित्रपटातही त्याने आपल्या अभिनयाने सगळ्यांचं लक्ष वेधून घेतलं होतं. तुम्हाला जर हा चित्रपट पाहायचा असेल, तर तो प्राइम व्हिडिओ (Amazon Prime Video) वर उपलब्ध आहे.

'वडा चेन्नई' हा 2018 मध्ये आलेला एक तमिळ चित्रपट आहे. 'अन्बू' या एका हुशार कॅरम प्लेअरभोवती हा चित्रपट फिरतो. जो आपल्या गरिबीमुळे गुन्हेगारी जगतात पाऊल टाकतो. हळूहळू तो एका स्थानिक माफिया टोळीचा भाग बनतो. पण जेव्हा त्याला कळतं की ही टोळी त्याच्या स्वतःच्या परिसराला उद्ध्वस्त करण्याचा कट रचते आहे, तेव्हा तो त्याविरुद्ध उभा ठाकतो. जसजशी कथा पुढे सरकते, तसतसा सस्पेन्स गडद होत जातो.

रेटिंगच्या बाबतीतही 'वडा चेन्नई' हा चित्रपट 'कांतारा'पेक्षा कमी नाही. IMDb वर जिथे ‘कांतारा’ला 8.2 रेटिंग आहे, तिथे ‘वडा चेन्नई’ला 8.4 रेटिंग मिळाले आहे. म्हणजेच, रेटिंगमध्ये ‘वडा चेन्नई’ आघाडीवर आहे. वेत्रिमारन यांनी या चित्रपटाच्या दिग्दर्शनाची धुरा सांभाळली आहे. यात धनुष प्रमुख भूमिकेत आहे. त्याचबरोबर ऐश्वर्या राजेश, डॅनियल बालाजी आणि अ‍ॅन्ड्रिया जेरमिया हे कलाकारही महत्त्वाच्या भूमिकांमध्ये आहेत. सर्व कलाकारांच्या अभिनयामुळे हा चित्रपट अधिक प्रभावशाली झाला आहे. जर तुम्हाला क्राइम-ड्रामा प्रकारचे चित्रपट आवडत असतील, तर हा चित्रपट नक्की पाहा.