Suraj Chavan: सूरज चव्हाणला मिळालं महागडं गिफ्ट, नाव घेणंही झालं अवघड, पाहा मजेशीर VIDEO
- Published by:Sayali Zarad
Last Updated:
Suraj Chavan: सूरज चव्हाण बिग बॉस मराठी 5 व्या सीझनचा विजेता ठरला. बिग बॉसमध्ये गेल्यापासून सूरजचे संपूर्ण आयुष्यच बदलून गेले असून तो सतत चर्चेत आहे. सूरजने बिग बॉसमध्ये असताना प्रेक्षकांची मने जिंकली.
मुंबई : सूरज चव्हाण बिग बॉस मराठी 5 व्या सीझनचा विजेता ठरला. बिग बॉसमध्ये गेल्यापासून सूरजचे संपूर्ण आयुष्यच बदलून गेले असून तो सतत चर्चेत आहे. सूरजने बिग बॉसमध्ये असताना प्रेक्षकांची मने जिंकली. प्रेक्षकांच्या मनावर राज्य करत त्याने बिग बॉसची ट्रॉफी आपल्या नावे केली. बिग बॉस बाहेरही तो सतत कोणत्या न कोणत्या कारणामुळे चर्चेत आहे. अशातच त्याचा एक व्हिडिओ व्हायरल होतोय ज्यामध्ये त्याला दिग्दर्शकाने महागडे गिफ्ट दिलेय.
सूरज चव्हाण नुकताच 'राजा राणी' सिनेमात झळकला. या सिनेमाचे दिग्दर्शक शिवाजी दोलताडे आणि निर्माते गोवर्धन दोलताडे यांनी सूरजला आयफोन 16 प्रो मॅक्स गिफ्ट दिला. याचाच व्हिडिओ सध्या सोशल मीडियावर जोरदार व्हायरल होतोय.
समोर आलेल्या व्हिडिओमध्ये पाहू शकता, सूरज गिफ्ट उघडतो आणि सगळे त्याचे टाळ्या वाजवून कौतुक करतात. सूरज सगळ्यांचे आभारही मानतो आहे. सूरज म्हणतो, "मनापासून मी सगळ्यांचा आभारी आहे. तुम्ही मला इतका पाठिंबा दिला. मला खूप बरे वाटतेय." व्हिडिओमध्ये दिसतेय की सूरजला गिफ्ट मिळालेल्या मोबाईलचे नावही त्याला उच्चारता येत नव्हते. ते पाहून सगळेच हसायला लागतात.
advertisement
advertisement
दरम्यान, सूरज चव्हाण एक सोशल मीडिया इन्फ्लुएंसर आहे. तो त्याच्या हटके 'झापूक झुपूक' स्टाइलमुळे लोकांचे लक्ष वेधत असतो. त्याचा 'गोलीगत' पॅटर्न तर खूपच फेमस आहे. बिग बॉसमुळे आता सूरजला चांगल्या नव्या सिनेमांच्या ऑफरही येऊ लागल्या आहेत. त्यामुळे येत्या काळात तो बऱ्याच नव्या प्रोजेक्टमध्ये प्रेक्षकांना पाहायला मिळेल.
Location :
Mumbai,Maharashtra
First Published :
November 13, 2024 3:07 PM IST
मराठी बातम्या/मनोरंजन/
Suraj Chavan: सूरज चव्हाणला मिळालं महागडं गिफ्ट, नाव घेणंही झालं अवघड, पाहा मजेशीर VIDEO
