Sai Pallavi : नॅचरल ब्युटी साई पल्लवी जेव्हा मराठमोळ्या लावणीवर थिरकली, चुकला चाहत्यांचा काळजाचा ठोका, Video तुम्ही पाहिला का?

Sai Pallavi : दाक्षिणात्य अभिनेत्री साई पल्लवी नेहमीच कोणत्या ना कोणत्या कारणाने चर्चेत असते. अभिनय, सौंदर्यासह अनेकदा तिचा साधेपणाही प्रेक्षकांना भावतो. काही दिवसांपूर्वीच तिने 'अप्सरा आली' या गाण्यावर जबरदस्त डान्स केला होता. मराठी गाण्यांची ख्याती जगभरात आहे. बॉलिवूडकर अनेकदा मराठीतील ट्रेडिंग गाण्यांवर थिरकताना दिसतात. जगाला वेड लावणाऱ्या लावणीने साऊथ इंडस्ट्रीलाही भूरळ घातली आहे. दोन महिन्यांपूर्वी साऊथची लोकप्रिय अभिनेत्री साई पल्लवीने मराळमोळ्या लावणीवर ठेका धरला होता. अभिनेत्रीचा व्हिडीओ सोशल मीडियावर चांगलाच व्हायरल झाला होता. अभिनेत्रीने आपल्या कोट्यवधि चाहत्यांना काळजाचा ठोका चुकवायला लावला होता. आपल्या बहिणीच्या संगीत सोहळ्यात साई पल्लवी 'अप्सरा आली' या गाण्यावर बहिणीसोबत लावणी करताना दिसून आली होती.