अमिताभ बच्चन यांना सुपरस्टार बनवणारा हा देखणा मुलगा कोण? आज आहे बॉलिवूडची शान

आजच्याच दिवशी 1935 साली इंदूरमध्ये एका पोलिस अधिकाऱ्याच्या घरी धाकटा मुलगा जन्माला आला. नाव ठेवण्यात आले, सलीम खान. देखणा, गोरा रंग, खणखणीत आवाज आणि तेजस्वी बुद्धी असलेल्या या मुलाने वयाच्या 14 व्या वर्षीच वडिलांना गमावले. वडिलांच्या जाण्यानंतर मोठ्या भावाला नोकरी मिळाली आणि जबाबदारीही. सलीम खान मात्र त्यावेळी मित्रांना सुंदर हस्ताक्षरात पत्रे लिहित. अनेक मित्र आपापल्या प्रेयसींसाठी त्यांच्याकडूनच पत्रे लिहून घेत. कारण त्यांना वाचनाची आवड होती आणि कथांचे ते दिवाने होते. शेर-ओ-शायरीची कला त्यांनी तरुणपणातच साधली. थोडे मोठे झाल्यावर हिरो होण्यासाठी मुंबईत आले. मुंबईत त्यांनी संघर्षाला सुरुवात केली आणि 1957 मध्ये आलेल्या ‘अलादीन लैल़ा’ या चित्रपटाच्या माध्यमातून अभिनयक्षेत्रात पदार्पण केलं. सुमारे 17 चित्रपट केल्यानंतर त्यांना जाणवले की ते हिरो होण्यासाठी बनलेले नाहीत. मग त्यांनी लेखक म्हणून फिल्म इंडस्ट्रीत काम करण्याचा निर्णय घेतला. याच काळात त्यांची ओळख जावेद अख्तर यांच्याशी झाली. दोघांच्या या जोडीने चित्रपटांच्या कथा लिहिण्यास सुरुवात केली.

1969 मधील दो भाई, 1971 मधील अधिकार आणि अंदाज़ या चित्रपटांमुळे त्यांचे नाव होऊ लागले. मग 1971 मधील राजेश खन्ना अभिनीत हाथी मेरे साथी प्रदर्शित झाला. या चित्रपटाने बॉक्स ऑफिसवर धुमाकूळ घातला आणि वर्षातील सर्वात मोठा सुपरहिट ठरला. या चित्रपटामुळे सलीम-जावेद ही जोडी इंडस्ट्रीत सुपरहिट बनली.

सलीम खान यांनी आपल्या करिअरमध्ये 56 पेक्षा जास्त चित्रपटांच्या कथा लिहिल्या. त्यांचा मुलगा सलमान खानने 80 च्या दशकात आपल्या फिल्मी करिअरची सुरुवात केली आणि 90 च्या दशकातच सुपरस्टार बनला. आज सलीम खान यांना संपूर्ण फिल्म इंडस्ट्री ओळखतेच, पण त्यांचा सन्मानही करते. ते बॉलिवूडच्या महान दिग्गजांपैकी एक मानले जातात.