लग्नाला 3 दिवस झाले तोच सूरज चव्हाणला व्हायचंय बाबा, फक्त एक नको, सांगितलं किती मुलं हवी?

Suraj Chavan : 'बिग बॉस मराठी'च्या पाचव्या सीझनचा विजेता 'गुलिगत किंग' सूरज चव्हाण आणि संजना गोफणे यांचा विवाहसोहळा नुकताच पार पडला. हजारो चाहत्यांच्या उपस्थित त्यांनी लग्न केलं. सूरजच्या लग्नाची संपूर्ण महाराष्ट्राला उत्सुकता होती. अखेर 29 नोव्हेंबर 2025 रोजी पुण्यातील सासवड याठिकाणी सूरज बोहल्यावर चढला. लग्नानंतर चार दिवसांतच पूजेदरम्यान सूरजने आपल्याला दोन मुलं हवी असल्याची इच्छा व्यक्त केली आहे. सूरज चव्हाण लग्नासाठी खूप आतुर होता. 'बिग बॉस' जिंकल्यानंतर अनेक मुलाखतींमध्ये सूरजने याबाबद्दल भाष्य केलं आहे. 'कोकण हार्टेड गर्ल' अंकिता वालावलकरच्या व्लॉगमध्येही सूरजची लग्नासाठी असलेली घाई पाहायला मिळाली होती. आता सूरजने लग्न करत नव्या आयुष्याची सुरुवात केली आहे. सूरज आणि संजनावर सध्या शुभेच्छांचा वर्षाव होत आहे. दरम्यान सूरजचा एक व्हिडीओ मात्र सर्वांचं लक्ष वेधून घेत आहे.