दोन्ही हात हवेत, बाईक सुसाट; 71 वर्षांच्या अभिनेत्याचा हायवेवर खतरनाक स्टंट, VIDEO

व्हिडीओमध्ये बाईकवर स्टंट करणारा हा अभिनेता टिकू तलसानिया आहेत. ते आता 71 वर्षांचे आहे. या वयातही त्यांनी भर रस्त्यात बाईकवर स्टंट करण्याचं धाडस दाखवलं. टिकू तलसानियाबरोबरच 39 वर्षीय अभिनेत्री मानसी पारेख हिच्याविरोधात पोलिसांनी गुन्हा दाखल केला आहे. दोघांचा रस्त्यावर बाईक स्टंट करतानाचा व्हिडिओ सोशल मीडियावर व्हायरल झाला होता. या व्हिडिओमुळे नागरिकांनी संताप व्यक्त केला आणि अहमदाबाद वाहतूक पोलिसांनी तातडीने कारवाई केली.

( Rakhi Sawant : 'सलमान भाईसाठी मी दोन्ही किडन्या विकल्या', पण का? राखी सावंतचा VIDEO VIRAL )

'मिसरी' या गुजराती सिनेमाच्या प्रमोशनदरम्यान हा व्हिडिओ शूट करण्यात आला होता. या क्लिपमध्ये मानसी पारेख चालत्या बाईकवर 'टायटॅनिक' पोज देताना दिसते, तर टिकू तलसानिया चालत्या बाईकवर उभे असल्याचं दिसलं. रस्त्यावर ट्रॅफिक असताना असा व्हिडीओ शूट करण्यात आला त्यामुळे त्यांच्या तीव्र संताप व्यक्त करण्यात येत आहे.

या व्हिडिओनंतर अहमदाबाद वाहतूक पोलिसांनी दोन्ही कलाकारांविरुद्ध एफआयआर दाखल केली. पोलिसांनी त्यांच्या अधिकृत इंस्टाग्राम पोस्टमध्ये सांगितले की 'A विभाग' वाहतूक पोलिस स्टेशनमध्ये गुन्हा क्रमांक 11191051250588/2025 नोंदवला आहे. हा गुन्हा IPC कलम 281 आणि मोटार वाहन कायद्याच्या कलम 177 आणि 184 अंतर्गत दाखल करण्यात आला आहे. या कलमानुसार, बेदरकार वाहन चालवणे आणि इतरांच्या जीवाला धोका निर्माण करणे हा गंभीर गुन्हा मानला जातो. या व्हिडीओमध्ये टीकू तलसानिया यांच्याबरोबर इतक कलाकारांनाही जाहिर माफी मागितली.