प्रवाशांच्या जीवाशी खेळ सुरूच, एसटीचं स्टेअरिंग मद्यधुंद चालकाच्या हाती; ...तर घडला असता मोठा अपघात

रत्नागिरी, चंद्रकांत बनकर, प्रतिनिधी : एसटी बस प्रवाशांच्या जीवाशी खेळ सुरूच आहे. जिल्ह्यातील खेडमधून एक धक्कादायक प्रकार समोर आला आहे. प्लॅटफॉर्मवर एसटी बस आणताना चालकानं ती बस बसस्थानकाच्या भिंतीला धडकवली. या अपघातानंतर चालक बसच्या खाली उतरला असता तो मद्यधुंद अवस्थेत असल्याचं तेथील प्रवाशांच्या लक्षात आलं. ही गोष्ट वेळीच प्रवाशांच्या लक्षात आल्यानं मोठा अनर्थ टळला आहे. ही बस खेडहून बोरिवलीला येणार होती. जर अपघात झाला नसता तर मद्यधूंद अवस्थेत त्याच चालकानं ही बस चालवली असती, त्यामुळे मोठ्या अपघाताची शक्यता होती. या चालकाला पोलिसांनी ताब्यात घेतलं आहे.