सुनेत्रा पवारांच्या नावाला होकार पण राष्ट्रवादीची ती एक अट भाजपला मान्य नाही! मोठी माहिती समोर

राहुल झोरी, प्रतिनिधी, मुंबई: अजित पवार यांच्या आकस्मिक निधनानंतर त्यांची उपमुख्यमंत्रिपदाची जागा कोण घेणार? त्यांच्याकडचे अर्थखाते कुणाकडे जाणार? अशा चर्चा वेगाने सुरू आहेत. नेता निवडीसंदर्भात राष्ट्रवादीच्या आमदारांची उद्या मुंबईत महत्त्वाची बैठक पार पडत आहे. या बैठकीत सुनेत्रा पवार यांच्या नावावर शिक्कामोर्तब होऊन उद्याच संध्याकाळी त्या उपमुख्यमंत्रिपदाची शपथ घेणार असल्याचे कळते. राष्ट्रवादी जो निर्णय घेईल त्या निर्णयामागे भारतीय जनता पक्ष उभा असेल, असे मुख्यमंत्री फडणवीस यांनी सांगितले आहे. असे असले तरी अजित पवार यांच्याकडील अर्थखाते पुन्हा राष्ट्रवादीला देण्यास भाजप तयार नसल्याचे पक्षातील सूत्रांनी सांगितले.