Indian Railways : कोकणात जाणाऱ्या प्रवाशांसाठी महत्त्वाची बातमी; रेल्वे गाड्यांबाबत मोठी अपडेट

सिंधुदुर्ग, विशाल रेवडेकर, प्रतिनिधी : मुंबईतून कोकणात जाणाऱ्या आणि कोकणातून मुंबईच्या दिशेनं येणाऱ्या रेल्वे प्रवाशांसाठी महत्त्वाची बातमी आहे. कोकणात सुरू असलेल्या मुसळधार पावसामुळे कोकणातील रेल्वे वाहतूक विस्कळीत झाली होती. मात्र ती आता पुन्हा एकदा पूर्वपदावर आली आहे. 24 तासानंतर अखेर कोकण रेल्वे मार्गावरील प्रवासी वाहतूक सुरू झालेली आहे. रात्री उशिरा ट्रॅकवरील चाचणी पूर्ण झाल्यानंतर मुंबईवरून जाणारी राजधानी एक्सप्रेस गोव्याच्या दिशेने रवाना झाली.