वरण-भातावर तूप कसलं खाताय, उपाशीपोटी खाऊन बघा! जास्त फायदे मिळतील

तुपात कॅल्शियमसह ओमेगा 3 फॅटी ऍसिड आणि व्हिटॅमिन ए, डी, ई, के चांगल्या प्रमाणात असतात. शिवाय त्यात खनिजंही असतात. डॉक्टरांनी दिलेल्या माहितीनुसार, दररोज उपाशीपोटी चमचाभर तूप खाल्ल्यास शरिरातल्या पेशी सुदृढ राहतात. रखरखीत त्वचेवर तेज येतं. म्हणूनच हिवाळ्याच्या दिवसांमध्ये सकाळी तूप खाणं अत्यंत फायदेशीर ठरतं. त्यामुळे छाती, नाक आणि घश्यात होणारं इन्फेक्शनही दूर होतं. शिवाय यामुळे अंगात थोडीशी जरी कणकण असेल तरी त्यावरसुद्धा आराम मिळतो.

तुपात व्हिटॅमिन ए असल्याने मेंदूचं कार्य सुरळीत राहतं. तसंच तुपामुळे शरिरातली कॅल्शियमची कमतरता भरून निघते. इतकंच नाही, तर सांधेदुखीपासून आराम मिळतो आणि वजन कमी होतं.