Trending:

Coronavirus : कोरोनाचं मोठं संकट? पुण्यातून समोर आली हादरवणारी बातमी, सगळ्यांची धाकधूक वाढली

Published by:Priya Lad

Last Updated:June 05, 2025 9:47 AM IST

Corona in pune sewage water : शहरातील 10 सांडपाणी प्रक्रिया केंद्रांमधील नमुन्यांच्या आठवड्याच्या चाचणीत 60 नमुन्यांपैकी अंदाजे 40 नमुने कोरोना पॉझिटिव्ह दिसून आले.

पुणे : कोरोनाने पुन्हा हाहाकार माजवला आहे. राज्यात पुण्यात कोरोनाची सर्वाधिक प्रकरणं आहेत. आता पुण्यातून कोरोनाबाबत एक हादरवणारी बातमी समोर येत आहे. शहरातील सर्व 10 सांडपाणी प्रक्रिया प्रकल्पांमध्ये कोरोनाव्हायरस आढळला आहे. सीएसआयआर-नॅशनल केमिकल लॅबोरेटरी (एनसीएल) द्वारे सांडपाणी निरीक्षणातून असे नमुने उघड झाले आहेत.

एनसीएल ही पुण्यातील एकमेव संस्था आहे जी शहरातील सर्व 10 एसटीपीचे पद्धतशीर सांडपाणी निरीक्षण करते. प्रयोगशाळेने ओमिक्रॉन आणि त्याच्या उप-प्रकारामुळे झालेल्या मागील लाटांचा यशस्वीपणे मागोवा घेतला आहे. 10 सांडपाणी प्रक्रिया केंद्रांमधील नमुन्यांच्या आठवड्याच्या चाचणीत 60 नमुन्यांपैकी अंदाजे 40 नमुन्यांचे पॉझिटिव्ह निकाल दिसून आले. पहिला पॉझिटिव्ह नमुना 22 एप्रिल रोजी एकाच एसटीपीमधून आढळून आला, तर 6 मे पासून सर्व प्रक्रिया केंद्रांमध्ये पॉझिटिव्ह निकाल दिसून आले.

Kalyan Dombivli : कल्याण-डोबिंवलीला कोरोनाचा विळखा? तिसऱ्या बाधिताच्या मृत्यने उडाली खळबळ

एनसीएलचे शास्त्रज्ञ आणि सूक्ष्मजीवशास्त्रज्ञ डॉ. महेश एस. धारणे यांनी टीओआयला सांगितलं की, सध्याची वाढ हळूहळू होत असल्याचं दिसून येत असलं तरी सांडपाण्याच्या नमुन्यांमधील पॉझिटिव्हची पातळी मागील वाढीच्या नमुन्यांप्रमाणेच आहे, ज्यामुळे कोविड ट्रान्समिशन ट्रेंडबद्दल महत्त्वाची माहिती मिळते.

काय आहे ही प्रक्रिया?

कोविड-19 च्या कम्युनिटी प्रसाराचा मागोवा घेण्यासाठी सांडपाणी निरीक्षण ही एक महत्त्वाची पूर्वसूचना प्रणाली आहे, जी अनेकदा क्लिनिकल प्रकरणं नोंदवण्यापूर्वी काही दिवस किंवा आठवडे आधी विषाणूची उपस्थिती शोधते. यामुळे सार्वजनिक आरोग्य अधिकाऱ्यांना संपूर्ण समुदायांमधील संसर्गाच्या ट्रेंडबद्दल रिअल-टाइम माहिती मिळते. ज्यामुळे ते लक्षणं नसलेल्या प्रकरणांचा आणि उदयोन्मुख प्रकारांचा मागोवा घेण्यासाठी विशेषतः महत्त्वाची ठरते.

Corona Variant Warning: जुनी लस, नव्या करोनासाठी चालेल का? तुमचं लसीकरण कितपत सुरक्षित; तज्ज्ञांकडून मोठा इशारा

वैयक्तिक वर्तन आणि आरोग्यसेवेच्या उपलब्धतेवर अवलंबून असलेल्या क्लिनिकल चाचणीच्या उलट सांडपाणी निरीक्षण विशिष्ट सांडपाणी प्रणालींद्वारे सेवा दिलेल्या संपूर्ण लोकसंख्येचा सामूहिक विषाणू भार दाखवतो.

राज्यातील कोरोनाची स्थिती काय?

राज्यात एकाच दिवसात 100 हून अधिक रुग्ण आढळले आहेत. गुरुवार 5 जूनच्या राज्याच्या आरोग्य विभागाच्या आकडेवारीनुसार 105 रुग्ण आढळले. त्यापैकी 33 पुणे महापालिका क्षेत्रात तर 32 मुंबईत आहेत.

जानेवारी 2021 पासून आतापर्यंत 13707 चाचण्या झाल्या आहेत. त्यापैकी 1064 पॉझिटिव्ह आहेत. 521 रुग्ण बरे झाले आहेत. एकूण अॅक्टिव्ह रुग्णांची संख्या आता 526 आहे. तर 17 रुग्णांचा मृत्यू झाला आहे.

Location :

Pune,Maharashtra

First Published :

June 05, 2025 9:16 AM IST

Coronavirus : कोरोनाचं मोठं संकट? पुण्यातून समोर आली हादरवणारी बातमी, सगळ्यांची धाकधूक वाढली