Risky paper Cups: कागदी कपातून चहा - कॉफी पिणं आत्ताच थांबवा, करू नका हा वेडेपणा, होऊ शकतो कॅन्सर

काही वर्षापूर्वीपर्यत चहा - कॉफी पिण्यासाठी अनेक जण प्लॅस्टिकचे कप वापरत होते. मात्र प्लॅस्टिकच्या दुष्परिणांमुळे अनेकांनी कागदी कपातून चहा - कॉफी प्यायला सुरूवात केली. मात्र IIT खरगपूरच्या विद्यार्थ्यांनी केलेल्या अभ्यासातून असं आढळून आलंय की, कागदी कप हे सुद्धा आरोग्यासाठी धोक्याचे ठरू शकतात. कारण हे कप जरी जाड कागदापासून बनलेले असले तरीही त्यात, चहा - कॉफी, गरम पाणी किंवा एखादं गरम सूप टाकल्यानंतर ते कप फाटू नयेत यासाठी किंवा कपात चहा - कॉफी किंवा गरम वस्तू दीर्घकाळ राहावी यासाठी कागदाच्या कपांना आतल्या बाजूला प्लास्टिक किंवा मेणाचा पातळ थर लावला जातो. जेव्हा आपण त्यात गरम पदार्थ ओततो तेव्हा हा थर वितळू लागतो. यामुळे प्लास्टिकचे छोटे कण आणि हानिकारक रसायने चहा - कॉफीत मिसळतात.