Kiwi fruit benefits: ‘या’ फळाचे आहेत ‘इतके’ फायदे, नियमित सेवनाने दूर पळतील अनेक आजार

मुंबई : किवी हे फळ बाहेरून दिसायला चिकूप्रमाणे जरी असलं तरीही ते मूळचं  चीनमधलं आहे. मात्र आता संपूर्ण जगात हे फळ सहज उपलब्ध होतं. किवीत मोठ्या प्रमाणात पोटॅशियम, मॅग्नेशियम, व्हिटॅमिन सी, अँटीऑक्सिडंट्स फायबर, लिपिड्स, व्हिटॅमिन्स, प्रोटिन्स, मिनरल्स, कार्बोहायड्रेट्स अशी विविध पोषक तत्वं भरपूर प्रमाणात आढळून येतात. याशिवाय किवीच्या फळात  दाहक-विरोधी गुणधर्म असतात. ज्यामुळे संधीवात किंवा अंगदुखीच्या समस्यांवर किवी फळ खाल्ल्याने आराम मिळू शकतो. व्हिटॅमिन सी, अँटीऑक्सिडंट्समुळे रोगप्रतिकारक शक्ती वाढायला मदत होते. याशिवाय किवी खाल्ल्याने शरीराच्या पेशींची झालेली झीज भरून येते. त्यामुळे कमकुवत पेशींना  ताकद मिळून त्या मजबूत होतातच शिवाय नव्या पेशींचीही जोमाने वाढ होते. त्यामुळे एखादी जुनाट जखम लवकर भरत नसेल तर किवीच्या सेवनामुळे ती जखम लवकर भरायला मदत होईल. जाणून घेऊयात किवी फळाचे आरोग्यदायी फायदे.