Eggs Vs Paneer: आरोग्यासाठी फायद्याचं काय अंड की पनीर? कशातून मिळतील जास्त प्रोटिन्स् ?

रंजना न्यूट्रिग्लो क्लिनिकच्या संस्थापक आणि वरिष्ठ आहारतज्ज्ञ रंजना सिंह यांनी न्यूज18 ला सांगितलं की, अंडी आणि पनीर दोन्ही पोषक तत्वांनी समृद्ध आहेत. कोणी अंडी खावीत आणि कोणी पनीर खावं हे फक्त शाकाहार, मांसाहार यावर नाही तर ते खाण्यामागे त्यांच्या उद्देश काय आहे यावर अवलंबून आहे. उदा. एखादी व्यक्ती मांसाहारी असेल मात्र त्यांची गरज आणि फिटनेसचं उदीष्ठ य हे जर वेगळं असेल तर त्यांच्यासाठी अंड्यापेक्षा पनीर जास्त फायद्याचं ठरू शकतं.

एका अंड्यामध्ये सुमारे 6 ते  7 ग्रॅम प्रथिनं असतात. तर 100 ग्रॅम चीजमध्ये सुमारे 18 ते 21 ग्रॅम प्रथिने असतात. याचा अर्थ पनीरमध्ये जास्त प्रथिनं असतात, परंतु अंड्यातलं प्रथिनं ही जैविक असल्यामुळे ती शरीरात सहजपणे शोषली जाऊ शकतात. जर फॅट्स बोलायचं झालं तर एका अंड्यामध्ये 5 ग्रॅम चरबी असते, तर चीजमध्ये 20 ते 25 ग्रॅम चरबी असते. एका अंड्यामध्ये सुमारे 70 कॅलरीज असतात, तर 100 ग्रॅम चीजमध्ये 250 ते 300 कॅलरीज असतात. त्यामुळे जर तुम्हाला वजन कमी करण्यासाठी कमी कॅलरीज असलेला आहार घ्यायचा असेल तर तुमच्यासाठी अंडी हा एक चांगला पर्याय ठरतो. याउलट जर तुम्हाला स्नायू बळकट करून वजन वाढवायचं असेल तर आणि तुम्ही मांसाहारी जरी असाल तरीही तुमच्यासाठी पनीर खाणं फायद्याचं ठरतं.

अंड्यामध्ये व्हिटॅमिन बी 12, व्हिटॅमिन डी, कोलीन, लोह आणि अँटीऑक्सिडंट्स भरपूर प्रमाणात असतात. तर पनीरमध्ये त्यात कॅल्शियम, फॉस्फरस, व्हिटॅमिन बी 12 आणि प्रोबायोटिक्स भरपूर प्रमाणात असतात. हाडांच्या  आणि दातांच्या आरोग्यासाठी पनीर खाणं फायद्याचं ठरतं. तर, मेंदू आणि डोळ्यांसाठी अंडी जास्त फायदेशीर असतात. एकंदरीत असे म्हणता येईल की अंडी आणि पनीर दोन्हीही आरोग्यासाठी फायदेशीर आहेत. त्यामुळे तुम्ही तुमच्या गरजेनुसार आणि आवश्यकतेनुसार दोन्हीपैकी कोणताही एक पदार्थ निवडून स्वत:ला फिट ठेऊ शकता.