Health TIps : डिप्रेशन आणि तणावाची खरी ओळख कशी करावी? यापासून दूर राहण्यासाठी काय करावं? डॉक्टरांचा महत्त्वाचा सल्ला

बीड : आजच्या धावपळीच्या युगात मानसिक आरोग्याचा प्रश्न अधिक गंभीर बनला आहे. जीवनातील स्पर्धा, अपयश, आर्थिक अडचणी आणि सामाजिक दडपण यामुळे अनेकजण तणाव आणि डिप्रेशनच्या विळख्यात सापडत आहेत. डिप्रेशन म्हणजे केवळ दुःख किंवा नैराश्य नव्हे, तर ते मन, विचार आणि शरीर यांच्यावर परिणाम करणारा मानसिक आजार आहे. यात व्यक्तीला जीवनात आनंद वाटत नाही, झोप कमी होते, भूक मंदावते आणि आत्मविश्वास कमी होतो, अशी माहिती डॉक्टर नागेश पाठक यांच्याकडून मिळाली.