दिसायला लहान, तरी वयात आल्यापासून आई होईपर्यंत महिलांसाठी रामबाण; किचनमधला 'हा' पदार्थ!

जमुई : महिलांच्या शरिरात हार्मोन्सची प्रचंड उलथापालथ होत असते. हार्मोन्सवरच केसांचं, त्वचेचं आणि संपूर्ण शरिराचं सौंदर्य अवलंबून असतं. अगदी वयात येताना, तारुण्यात, विवाहानंतर, आई झाल्यावर, अशा वयाच्या वेगवेगळ्या टप्प्यांवर हार्मोन्सची पातळी वर-खाली होते. त्यामुळे वेळोवेळी स्त्रीरोग तज्ज्ञांचा सल्ला घेऊन आपल्या शरिरातील हार्मोन्स सुस्थितीत आहेत ना, याची खात्री करून घ्यावी. आयुर्वेदात यावर अनेक घरगुती उपायदेखील सांगितलेले आहेत. त्यातीलच एक सोपा उपाय म्हणजे लवंग. होय, किचनमध्ये आढळणारा हा लहानसा पदार्थ मुलींपासून महिलांपर्यंत सर्वांसाठी रामबाण असतो.

आई होणं हे जवळपास प्रत्येक स्त्रीचं स्वप्न असतं. स्वतः बाळाला जन्म द्यायचा असेल, तर आरोग्याची व्यवस्थित काळजी घ्यावी लागते. कारण सध्याच्या धावपळीच्या, धकाधकीच्या जीवनात आरोग्यावर अनेक विपरीत परिणाम होतात. गर्भधारणेतदेखील अडचणी येतात. शिवाय महिलांना मासिकपाळीदरम्यानही त्रास सहन करावा लागतो. अनेकजणींना वेळेत पाळी येत नाही, अनेकजणींना अवेळी पाळी येते. या सर्व समस्यांवर आज आपण सोपे उपाय पाहणार आहोत.