पेरू आवडीने खाता? त्याची पानंही खा! वजन होतं कमी, पुरुषांची वाढते ताकद

उत्तराखंडच्या आयुर्वेदाचार्या शालिनी जुगरान सांगतात की, पेरूच्या पानांमध्ये असलेल्या व्हिटॅमिन सीमुळे पचनासंबंधित सर्व समस्या दूर होतात. विशेषतः ऍसिडिटीवर मूळापासून आराम मिळतो. शिवाय या पानांमुळे दात आणि हिरड्याही मजबूत होतात. त्यासाठी सकाळी पेरूची 7 ते 8 पानं खाण्याचा सल्ला दिला जातो.

पेरूच्या पानांमुळे शरिरात कार्बोहायड्रेट शोषलं जातं नाही. त्यामुळे वजनवाढ थांबते आणि वजन कमी होण्यासही मदत मिळते. वजनासोबत शरिराची रोगप्रतिकारक शक्ती कमी होत नाही हे विशेष, त्याउलट शरिरातल्या साखरेचं प्रमाण कमी होतं.

त्वचेवर झालेली कोणतीही ऍलर्जी किंवा आलेला काळसरपणा या पानांमुळे दूर होतो. त्यासाठी पेरूच्या 5 ते 6 ताज्या पानांची पेस्ट बनवून ती त्वचेवर लावण्याचा सल्ला दिला जातो. त्यानंतर अर्ध्या तासाने आपण तो भाग पाण्याने धुवू शकता.

पेरूची पानं पुरुषांसाठी सर्वाधिक फायदेशीर असतात. त्यांमुळे पुरुषांमधील स्पर्म काउंट वाढतो. त्यासाठी दररोज सकाळी उपाशीपोटी दोन पेरूची पानं चावून खाण्याचा सल्ला दिला जातो. तर, या पानांचा काढा प्यायल्यास पेशींची संख्या वाढते.

लेटेस्ट बातम्या आणि व्हिडीओ पाहण्यासाठी न्यूज18 लोकमतच्या या अधिकृत व्हॉट्सअ‍ॅप चॅनलला करा फॉलो…या लिंकवर क्लिक करा