व्यसनमुक्तीसाठी करताय प्रयत्न? उपाय घरातच! बिया बारीक पण प्रचंड गुणकारी

काकडीमुळे सौंदर्य खुलतं, डोळ्यांना आराम मिळतो. तसंच शरीर ऊर्जावान राहतं. काकडीच्या अँटीऑक्सिडंट गुणांसह खनिजं, पाणी आणि फायबर भरपूर प्रमाणात असतं. त्यामुळे त्वचा आणि केसांचा पोत सुधारतो. शिवाय बद्धकोष्ठता दूर होते, वजन कमी होतं आणि मानसिक तणावापासूनही मुक्ती मिळते.

डॉ. राघवेंद्र चौधरी सांगतात की, काकडीच्या बियांमध्ये सल्फर मोठ्या प्रमाणात असतं. ज्यामुळे व्यसन कोणतंही असलं तरी त्याची सवय हळूहळू कमी होते. व्यसनमुक्तीसाठी हा रामबाण उपाय आहे. यात अँटीऑक्सिडंटही भरपूर प्रमाणात असतं. ज्यामुळे पोट साफ होतं आणि चेहरा फ्रेश दिसतो. शिवाय काकडीमुळे भूकही कमी लागते, परिणामी अर्थातच वजन कमी होतं. तसंच काकडीत पाण्याचं प्रमाण भरपूर असतं.

डॉ. राघवेंद्र चौधरी यांनी दिलेल्या माहितीनुसार, काकडीच्या बियांचा वापर लाडूतून करावा. सर्वात सोपा वापर म्हणजे आपण पाण्यात या बिया घालून पिऊ शकता. रात्री भिजवून सकाळी काळ्या मीठासोबत खाऊ शकता. ज्यामुळे पोटही साफ होतं.

लेटेस्ट बातम्या आणि व्हिडीओ पाहण्यासाठी न्यूज18 लोकमतच्या या अधिकृत व्हॉट्सअ‍ॅप चॅनलला करा फॉलो… या लिंकवर क्लिक करा