Hair Care : जाड - काळ्याभोर केसांसाठी बायोटिन महत्त्वाचं, या पदार्थांमधे आहे केसांचं पोषण करण्याची क्षमता
- Published by:Renuka Joshi
Last Updated:
बायोटिन हा केसांच्या वाढीसाठी आवश्यक असलेला पोषक घटक आहे. नैसर्गिक आणि वनस्पती-आधारित बायोटिन पूरक आहार केसांसाठी महत्त्वाचा असतो. यासाठी, आहारात पाच पदार्थांचा समावेश केला तर उपयोग होईल. नैसर्गिक बायोटिन असलेल्या पदार्थांबद्दल जाणून घेऊया. या टिप्स विशेषत: शाकाहारींसाठी महत्त्वाच्या आहेत. कारण मांसाहार करणाऱ्यांसाठी अंडी, मासे असे पर्याय उपलब्ध असतात.
मुंबई : जाड आणि काळेभोर केस हवे असतील तर केवळ बाह्य उत्पादनं नाही तर जाड केसांसाठी, आहारात बदल करणं गरजेचं आहे. यासाठी बायोटिनचं प्रमाण योग्य असणं आवश्यक आहे. यामुळे नवीन पेशी आणि फॉलिकल्स राखले जातात आणि केसांची चांगली वाढ होते.
बायोटिन हा केसांच्या वाढीसाठी आवश्यक असलेला पोषक घटक आहे. नैसर्गिक आणि वनस्पती-आधारित बायोटिन पूरक आहार केसांसाठी महत्त्वाचा असतो. यासाठी, आहारात पाच पदार्थांचा समावेश केला तर उपयोग होईल. नैसर्गिक बायोटिन असलेल्या पदार्थांबद्दल जाणून घेऊया. या टिप्स विशेषत: शाकाहारींसाठी महत्त्वाच्या आहेत. कारण मांसाहार करणाऱ्यांसाठी अंडी, मासे असे पर्याय उपलब्ध असतात.
advertisement
अॅव्होकॅडो - हे फळ इतर फळांच्या तुलनेत क्रिमी आणि पौष्टिक आहे. हेल्दी फॅट्सबरोबरच प्रत्येक फळात 3-6 मायक्रोग्राम बायोटिन देखील असतं. व्हिटॅमिन बी5 आणि व्हिटॅमिन ई असलेले हे पोषक घटक केसांच्या वाढीला मदत करतात आणि केसांना ऑक्सिडेटिव्ह नुकसान आणि तणावापासून वाचवतात.
रताळं - रताळ्यात अनेक पोषक घटक असतात. एका मध्यम आकाराच्या रताळ्यात 2-3 मायक्रोग्राम बायोटिन असतं. आपले शरीर सामान्यतः बीटा-कॅरोटीनचं रुपांतर व्हिटॅमिन ए मधे करतं आणि सेबम उत्पादनाला उत्तेजन देतं, ज्यामुळे आपल्या टाळूला मॉइश्चरायझेशन मिळतं आणि टाळू निरोगी स्वच्छ राहतो.
advertisement
पालक - पालकासारख्या हिरव्या पालेभाज्या अत्यंत पौष्टिक असतात आणि एक कप कच्च्या पालकामधे सुमारे 12 मायक्रोग्रॅम बायोटिन असतं. यात व्हिटॅमिन ए आणि सी उपलब्ध असतं. यामुळे कोलेजनचं उत्पादन वाढतं आणि टाळूचं आरोग्य चांगलं राहतं. केसांच्या नैसर्गिक वाढीला यामुळे चालना मिळते.
advertisement
मशरूम - मशरूममधे प्रत्येक सर्व्हिंगमधे 2-6 मायक्रोग्राम बायोटिन असतं. मशरूममध्ये कॉपर भरपूर प्रमाणात असतं, यामुळे मेलेनिनच्या निर्मितीला मदत होते. मशरूम खाल्ल्यानं केस लांब, मजबूत आणि काळे केस होतात.
सुकामेवा - बदाम आणि अक्रोड सारखा सुकामेवा तुमच्या दैनंदिन आहारात बायोटिनसाठीचा एक सोयीस्कर आणि पौष्टिक मार्ग आहे. यात प्रति औंस सुमारे 1-2 मायक्रोग्राम बायोटिन असतं. बदामांमधे व्हिटॅमिन ई भरपूर प्रमाणात असतं, केसांच्या ऊतींची दुरुस्ती आणि निर्मिती करण्यासाठी याची मदत होते. अक्रोडात ओमेगा-3 असतं, यामुळे टाळूचं आरोग्य आणि केसांची वाढ चांगली होते.
Location :
Mumbai,Maharashtra
First Published :
Nov 19, 2025 8:21 PM IST
मराठी बातम्या/लाइफस्टाईल/
Hair Care : जाड - काळ्याभोर केसांसाठी बायोटिन महत्त्वाचं, या पदार्थांमधे आहे केसांचं पोषण करण्याची क्षमता
