Egg : अंडी खा, तंदुरुस्त राहा, फक्त स्नायू नाही हाडंही होतील मजबूत

आहारात अंड्यांचा समावेश करुन तुम्ही अनेक समस्या टाळू शकता. कारण यामध्ये व्हिटॅमिन बी, व्हिटॅमिन बी12, बायोटिन, रिबोफ्लेविन, थायामिन आणि सेलेनियमसारखे गुणधर्म आढळतात. अंडी खाणं आरोग्यासाठी फायदेशीर आहे हे आपल्या सर्वांना माहीत आहे. पण एका दिवसात किती अंडी खावीत याचं उत्तर अनेकांना माहित नसतं. कारण चुकीच्या पद्धतीनं किंवा जास्त प्रमाणात अंडी खाल्ली तर फायद्याऐवजी नुकसान होऊ शकतं. अंडी हा प्रथिनांचा उत्तम स्रोत मानला जातो. तुमच्या आहारात अंड्यांचा समावेश करून तुम्ही अनेक समस्या टाळू शकता.

कारण यामध्ये व्हिटॅमिन बी, व्हिटॅमिन बी12, बायोटिन, रिबोफ्लेविन, थायामिन आणि सेलेनियम सारखे गुणधर्म आढळतात, जे शरीराला अनेक फायदे मिळवून देण्यास मदत करतात.

स्नायू -

दररोज अंड्याचा पांढरा भाग खाल्ल्यानं प्रोटीन म्हणजे प्रथिनांची कमतरता भरून काढता येते. शरीरातील स्नायू तयार करण्यासही याचा उपयोग होतो.

हाडं -

जीवनसत्व ड म्हणजेच व्हिटॅमिन डीच्या कमतरतेवर मात करण्यासाठी आणि हाडं मजबूत करण्यासाठी, तुम्ही तुमच्या नाश्त्यामध्ये उकडलेलं अंडे नक्की खा. यामुळे हाडं कमकुवत होण्यापासून रोखण्यास मदत होते.

डोळे -

अंड्यांमध्ये कॅरोटीनोइड्स मुबलक प्रमाणात आढळतात, जे डोळ्यांच्या आरोग्यासाठी आवश्यक असतात. रोज एक उकडलेलं अंडं खाल्ल्यानं डोळे निरोगी राहू शकतात.