ग्लुटाथायोनमुळे त्वचा खरंच गोरी होते का? जाणून घ्या फॅक्ट्स आणि साइड इफेक्ट्स
- Published by:Arjun Nalavade
Last Updated:
ग्लुटाथायोन हा त्वचा उजळवण्यासाठी लोकप्रिय उपचार मानला जातो. मात्र त्याच्या सुरक्षिततेबद्दल अद्याप पुरेसे संशोधन नाही. याचा वापर गोळ्या, क्रीम्स किंवा इंजेक्शनच्या स्वरूपात होतो. साइड इफेक्ट्समुळे यकृत व किडनीवर ताण येऊ शकतो. तज्ज्ञांच्या सल्ल्याशिवाय वापर टाळावा.
ग्लुटाथायोन हा शरीरात नैसर्गिकरित्या आढळणारा एक सशक्त अँटीऑक्सिडंट आहे. ग्लायसिन, सिस्टीन आणि ग्लुटामिक एसिड या 3 अमिनो एसिड्सपासून बनतो. तो कोशिकांचे डिटॉक्सिफिकेशन करतो आणि त्वचेचा रंग गोरा करण्यास मदत करतो.
ग्लुटाथायोन टायरोसिनेस नावाच्या एन्झाईमला रोखतो, जे त्वचेचा गडद रंग देणाऱ्या मेलानिनचे उत्पादन करते. यामुळे त्वचा उजळ आणि चमकदार दिसू शकते. कोरियन जर्नल ऑफ मेडिकल सायन्स (2012) च्या एका अभ्यासानुसार, ग्लुटाथायोन वापरणाऱ्या लोकांची त्वचा गोरी झाली, पण ती कायमस्वरूपी नव्हती.
इंटरनॅशनल जर्नल ऑफ डर्मेटोलॉजी (2017) च्या अभ्यासात 30 लोकांवर प्रयोग करण्यात आला. त्यात ग्लुटाथायोनच्या गोळ्यांनी त्वचेच्या रंगात थोडा फरक दिसला. मात्र काही लोकांना पोटदुखी, त्वचेवर पुरळ यासारखे दुष्परिणाम जाणवले.
advertisement
गोळ्या आणि कॅप्सुल्स : याचा वापर सर्वाधिक होतो, पण दीर्घकाळ वापरामुळे यकृतावर ताण येऊ शकतो.
इंजेक्शन : त्वचा उजळवण्यासाठी ग्लुटाथायोन इंजेक्शनचा वापर वाढत आहे. मात्र डॉक्टरांच्या सल्ल्याशिवाय त्याचा वापर करणे धोकादायक ठरू शकते.
लोशन आणि क्रीम्स : ग्लुटाथायोन उत्पादने थेट त्वचेवर लावता येतात.
ग्लुटाथायोन त्वचेचे डिटॉक्सिफिकेशन करतो आणि वयाचा प्रभाव कमी करतो. मात्र याचे काही साइड इफेक्ट्सही आहेत. पोटदुखी, डोकेदुखी, त्वचेवर पुरळ असे परिणाम दिसून येतात. दीर्घकाळ वापरामुळे यकृत आणि किडनीवरही परिणाम होऊ शकतो.
advertisement
इंडियन असोसिएशन ऑफ डर्मेटोलॉजिस्ट्स (IADVL) नुसार, ग्लुटाथायोनच्या प्रभाव आणि सुरक्षिततेवर अद्याप पुरेसे संशोधन उपलब्ध नाही. त्यामुळे त्याचा तज्ज्ञांच्या देखरेखीखालीच वापर करावा.
Location :
Mumbai,Maharashtra
First Published :
Dec 17, 2024 11:13 AM IST
मराठी बातम्या/लाइफस्टाईल/हेल्थ/
ग्लुटाथायोनमुळे त्वचा खरंच गोरी होते का? जाणून घ्या फॅक्ट्स आणि साइड इफेक्ट्स
