Pomegranate Farming: डाळिंब फळबागेवर रोगाचा प्रादुर्भाव, 70 टक्के पिकाचे नुकसान, शेतकऱ्याचा खर्चही निघणे अवघड

छत्रपती संभाजीनगर : करमाड येथील शेतकऱ्यांनी मोठ्या कष्टाने जोपासलेल्या डाळिंब पिकावर तेल्या रोगाने मोठ्या प्रमाणात हल्ला केला आहे. त्यामुळे संतोष उकर्डे या शेतकऱ्याच्या शेतातील 3 एकरावर असलेल्या आणि हाता-तोंडाशी आलेल्या 70 टक्के पिकाचे नुकसान झाले आहे. तेल्या रोगावर नियंत्रण मिळवण्यासाठी अनेक फवारण्याही करण्यात आल्या आहेत, मात्र निसर्गाच्या लहरीपणामुळे रोग आटोक्यात येत नसल्याने परिसरातील शेतकरी संकटात सापडले आहेत. यामुळे सरकारने कर्जमाफी करावी, अशी मागणी लोकल 18 सोबत बोलताना उकर्डे यांनी सरकारकडे केली आहे.